Mali ishobora kuyoborwa n’umusirikare mu nzibacyuho

Yanditswe na Bukuru JC
Kuya 13 Nzeri 2020 saa 09:53
Yasuwe :
0 0

Agatsiko k’abasirikare bafashe ubutegetsi muri Mali, imitwe ya politiki n’imiryango itegamiye kuri Leta muri icyo gihugu kuri uyu wa Gatandatu bemeranyije imyanzuro irimo uw’uko hashobora kujyaho Perezida w’inzibacyuho w’umusivile cyangwa uw’umusirikare.

Ni imyanzuro bemeranyijeho nyuma y’igihe bari mu biganiro bigamije gusubiza igihugu ku murongo nyuma y’ihirikwa ry’ubutegetsi bwa Ibrahim Boubacar Keita.

Imiryango mpuzamahanga yari yasabye ko ubutegetsi busubizwa mu maboko y’abasivile.

Mu byemejwe mu biganiro, harimo ko uzatoranyirizwa kuyobora Mali mu gihe cy’inzibacyuho azaba afite igihe cy’amezi 18 yo gutegura amatora, nkuko Reuters yabitangaje.

Umuvugizi w’abari mu biganiro, Moussa Camara yavuze ko Perezida w’inzibacyuho azatorwa n’abantu bihariye bazatoranywa n’agatsiko k’abasirikare kafashe ubutegetsi.

Imbanzirizamushinga y’imyanzuro y’ibiganiro yavugaga ko inzibacyuho izamara imyaka ibiri, naho Perezida wayo agatorwa n’agatsiko k’akabasirikare kahiritse ubutegetsi.

Agatsiko kafashe ubutegetsi muri Mali gashobora kuvamo uba Perezida w'inzibacyuho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .