00:00:00 IGIHE NETWORK KN KINYARWANDA EN ENGLISH FR FRANCAIS

M23 irashinja ingabo za Congo ubushotoranyi

Yanditswe na Mukwaya Olivier
Kuya 25 January 2022 saa 03:00
Yasuwe :

Ubuyobozi bw’ishami rya gisirikare ry’umutwe wa M23-ARC (Armée révolutionnaire du Congo), burashinja ingabo za Repubulika Iharanira Demokarasi ya Congo, FARDC ubushotoranyi , zibagabaho ibitero bitandukanye.

Ibi bitangajwe nyuma y’amakuru yiriwe acicikana mu gitondo cyo kuri uyu wa Kabiri ko ku mugoroba wo kuri uyu wa mbere M23 yateye ibirindiro bya FARDC biherereye muri Rutshuru.

Ayo makuru kandi yavugaga ko M23 mu rukerera M23 rwo kuri uyu wa Kabiri yateye Kabaya iruhande rw’ikigo cya gisirikare cya Rumangabo.

Umuvugizi wa M23-ARC, Major Willy Ngoma yahakanye ibi bitero, avuga ko ari ingabo za Congo zimaze amezi atatu zibagabaho ibitero.

Ati “M23 ntiyigeze yubura imirwano ku butaka bwa Congo, ndabishimangira ko ari ibihuha. Kuva mu Ukwakira 2021 ingabo za Congo zitugabaho ibitero mu birindiro byacu kandi tubaha isomo rifatika tukabasubiza inyuma kure y’aho turi’’

Mu mezi ya nyuma ya 2021 havuzwe imirwano ikomeye yatangiriye mu misozi ya Runyoni na Cyanzu hafi y’ibirunga bya Muhabura na Sabyinyo, yatumye n’abaturage babarirwa mu bihumbi bambuka umupaka wa Bunagana bahungira muri Uganda.

M23 mu 2013 nyuma yo gutsindwa urugamba yari yiyemeje ko ihagaritse ibikorwa bya gisirikare ubwo abarwanyi bayo barambikaga intwaro, bagahungira mu bihugu bituranye na RDC ariko mu mezi ya nyuma ya 2021 yongeye gushinjwa kugaba ibitero ku birindiro bya FARDC .

Abarwanyi ba M23 bahakanye kugaba ibitero ku ngabo za Congo ahubwo bazishinja kubashotora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .