France 24 yatangaje ko urupfu rwa al-Mansouri rwongeye kubyutsa impungenge ku mutekano muri Benghazi, agace kabarizwamo umuyobozi w’ingabo Khalifa Haftar.

Kuva ubutegetsi bwa Muammar Gaddafi bwahirikwa mu 2011, Libya yacitsemo ibice ku buryo ubu iyobowe na guverinoma ebyiri harimo iyemerwa na Loni ikorera i Tripoli n’iyoborwa na Khalifa Haftar ikorera muri Benghazi.

Umuhungu wa Khalifa witwa Khaled Haftar, yabwiye AFP ko batangiye iperereza ku rupfu rw’uyu musirikare ariko bigaragara ko ari igikorwa cy’iterabwoba.

Itangazo rye rigira riti “Iterabwoba ni umushinga ugamije kwibasira agace kose, si Libya gusa.”

Iki gitero cyakomye mu nkokora imbaraga zashyizwe mu bayobora iki gice bamaze igihe bemeza ko mu bice bayobora ari amahoro.

Umuyobozi ushinzwe ubutasi mu ngabo za Libya muri Leta ikorera i Benghazi yishwe n'igisasu yatezwe mu modoka ye