00:00:00 IGIHE NETWORK KN KINYARWANDA EN ENGLISH FR FRANCAIS

Kigali: Abamotari 46 bakoraga baroba bahawe izabo moto

Yanditswe na

Dues Ntakirutimana

Kuya 20 Ukuboza 2013 saa 03:21
Yasuwe :
0 0

Abamotari 46 batagiraga moto bagurijwe moto zo kubafasha muri aka kazi biciye muri sendika yabo na Banki y’Ubucuruzi ya Kenya, kuri ubu bakaba basezeye ku kitwa kuroba aho batwaraga moto ariko bo ntazo bagira.
Aba bamotari bibumbiye muri sendika y’abatwara moto mu Rwanda (Syndicat des Transporteurs des Motos of Rwanda-Sytramorwa ) bazihawe ku wa Gatatu tariki ya 18 Ukuboza 2013 i Kigali.
Perezida w’iyi sendika Nzitubwayo Evode yavuze ko baharanira ubuvugizi n’imibeho myiza y’abanyamauryango (...)

Abamotari 46 batagiraga moto bagurijwe moto zo kubafasha muri aka kazi biciye muri sendika yabo na Banki y’Ubucuruzi ya Kenya, kuri ubu bakaba basezeye ku kitwa kuroba aho batwaraga moto ariko bo ntazo bagira.

Aba bamotari bibumbiye muri sendika y’abatwara moto mu Rwanda (Syndicat des Transporteurs des Motos of Rwanda-Sytramorwa ) bazihawe ku wa Gatatu tariki ya 18 Ukuboza 2013 i Kigali.

Perezida w’iyi sendika Nzitubwayo Evode yavuze ko baharanira ubuvugizi n’imibeho myiza y’abanyamauryango akaba ari muri urwo rwego batanze izi moto zihagaze agaciro ka miliyoni 68 z’amafaranga y’u Rwanda.

Yagize ati “ Abanyamuryango bacu duharanira ko bava mu bushomeri n’ubwigunge, bakabona akazi twatanze 46 twateguye ko uyu mwaka uzashira dutanze 150, by’umwihariko mu mezi atatu kuko mbere twatanze 102”.

Yakomeje agira ati” Twabatangiye 30% y’ibanze kugira ngo bahabwe izi moto bazishyura ku nyungu ya 1,7%, abazihawe ni abitwaga abarobyi bacunganwa n’uwarushye cyangwa uwagize ikibazo runaka ntabashe gutwara moto ye akayifata, bivuze ko nta kazi gahoraho bagiraga. Bazajya bishyura buhoro buhoro buri kwezi”.

Nzitubwayo yabasabye kuzazitwara neza bubahiriza amategeko y’umuhanda, bagakomeza kubaha abagenzi kuko ari bo babaha akazi ku buryo bazishimira kuzigenderaho.

Ku kibazo cy’abajya bananizanya mu kwishyura izi moto, Nzitubwayo yavuze ko bafashe ingamba ku buryo abazihawe bari baratangiye kwizigamira buri aho mu cyumweru, hari ubwizigame batangaga bwaherwaho hishyurwa izi moto mu gihe bagize ikibazo. Hari abo zinanira ntibishyure ku gihe, aho kuyishyura mu mwaka ayishyuye mu myaka 2 ariko turishyura tugasigara tubikurikirana kuko nawe ashobora kurwara cyangwa agakora impanuka. Twashyize abantu mu bimina banatanga n’amafaranga y’ingoboka buri cyumweru.

Hagenimana Jean Damascene, umwe mu bamotari bahawe izi moto yavuze ko koko yari umurobyi ucunga mugenzi we wagize ikibazo akamuha moto, ariko ngo ubu agiye kuyibyaza umusaruro.

Yagize ati “Maze imyaka ibiri mfite inzozi zo kubona moto yanjye none zirashyize zibaye impamo. Nahuraga n’ibibazo byo kutagira moto yanjye rimwe na rimwe umuryango wanjye ukaba waburara kubera kutagira aho mba navanye ariko noneho biracyemutse”.

Kuri we yumvako mu minsi iri imbere azaba abonye na perimi yo gutwara imodoka yazishyura neza sendika yabo ikaba yazamuha n’imodoka mu minsi iri imbere.

Sendika y’abatwara moto mu Rwanda (Syndicat des Transporteurs des Motos of Rwanda-Sytramorwa ) ifite abanyamuryango basaga 1,000 mu gihugu hose.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .