Urwego rushinzwe kugenzura ingufu n’ibikomoka kuri petelori muri Kenya, EPRA, ku wa 14 Mata rwatangaje ko ibiciro bishya aho lisansi yazamutseho 16,1% naho mazutu izamukaho 24,2%.

Mazutu yiyongereyeho Amashilingi ya Kenya 40, mu gihe lisansi yiyongereyeho Amashilingi 28, bitarigeze bibaho mu bihe byashize.

Ibi biciro byateje impagarara ku buryo hahise hatangira gutegurwa imyigaragambyo yo kubyamagana. Yari iteganyijwe ku wa 21 Mata 2026, igomba guhagarika ibikorwa byo mu mijyi ya Mombasa na Nairobi.

NTV Kenya yatangaje ko nta bimenyetso by’imyigaragambyo byagaragaye mu gace k’ubucuruzi ka Nairobi ariko hari abapolisi benshi bambaye imyambaro bifashisha bahangana n’abigaragambya, harimo ingofero, bafite inkoni, bambaye na casque zibarinda gukomeretswa n’ibyo bashobora guterwa.

Abanya-Kenya basaba ko hakurwaho amahoro ku bikomoka kuri peteroli, gukuraho umusoro ku nyongeragaciro kuri lisansi. Perezida Ruto yari yahawe iminsi irindwi yo kuba yabikemuye.

Polisi ya Kenya yabyukiye mu bice bimwe by'imijyi igamije guhosha imyigaragambyo