Kenya: Hagaragaye umurwayi wa mbere ufite ibimenyetso bya Ebola

Yanditswe na Sekamana Mathias
Kuya 17 Kamena 2019 saa 12:46
Yasuwe :
0 0

Umuntu ukekwaho indwara ya Ebola yashyizwe mu muhezo mu bitaro bya Kericho, mu majyepfo ashyira uburengerazuba bwa Kenya, nyuma yo kugaragaza ibimenyetso by’indwara ya Ebola.

Abashinzwe ubuzima mu gace ka Kericho, bavuga ko uyu mugore yaje muri ako gace aturutse ahitwa Malaba, aka akaba ari agace gahana imbibi n’igihugu cya Uganda.

Nta bindi bimenyetso bya Ebola byigeze bigaragara muri Uganda hafi y’umupaka wa Malaba, ahubwo umurwayi wa Ebola yagaragaye mu burengerazuba bw’iki gihugu mu cyumweru gishize.

BBC yanditse ko amaraso y’uwo muntu ukekwaho Ebola yajyanwe gukorerwa isuzuma ngo hamenyekane koko niba ari yo arwaye. Ibi bipimo bikaba biza kujya ahagaragara hagati y’amasaha 12 na 24.

Ikigo gishinzwe serivisi z’ubuzima muri Kericho cyavuze ko gikomeza gukurukiranira hafi iki kibazo gifatanyije n’inzego nkuru za Leta, mu rwego rwo kwirinda ko hari buzima bw’abantu bwajya mu kaga niba koko uyu mugore arwaye Ebola.

Uyu murwayi kuri iki Cyumweru yagaragaje ibimenyetso birimo; umuriro, kubabara umutwe, kubabara mu ngingo no kuruka.

Inzego za leta zo muri iyi ntara nazo zahumurije abaturage ko ibitaro by’iyi ntara bifite ubushobozi n’ibikoresho bihagije bibafasha kwirinda ko hari undi muntu wakwandura iyi ndwara, ndetse abaturage basabwe kugira ihumure mu gihe bagitegereje kumenya ibyavuye mu bipimo by’amaraso y’uwo mugore.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza