Mu kiganiro n’abanyamakuru kuri uyu wa Kane, Mutahi Kagwe yavuze ko muri abo barwayi 119 ari Abanya-Kenya, babiri ni Abanya-Somalia, abandi babiri ni Abanya-Tanzania naho umwe ni uwo muri Eritrea; 100 bakaba ari abagabo naho 124 ni abagore.

Ikinyamakuru The Citizen cyavuze ko abarwayi 40 bagaragaye muri Mombasa, 38 ni abo muri Nairobi, 26 ni abo muri Busia no mu bindi bice bitandukanye by’igihugu. Kugeza ubu intara zigera kuri 36 nizo zimaze kugerwamo n’ubwandu bwa Coronavirus muri Kenya.

Minisitiri Mutahi Kagwe yatangaje ko abandi barwayi 39 bavuye mu bitaro, bituma abamaze gukira bose hamwe baba 592.

Yakomeje avuga ko mu masaha 24 yashize, abantu bane bahitanywe na Coronavirus muri Kenya bituma abamaze gupfa baba 78.

Let aya Kenya yatanze amashilingi agera kuri miliyari eshanu mu ntara 47, zo guhangana n’icyorezo cya COVID-19 giterwa n’agakoko gashya ka Coronavirus.

Kugeza ubu Kenya nicyo gihugu gikomeje kuza imbere mu kugira umubare w’abanduye n’abamaze gupfa benshi muri Afurika y’u Burasirazuba, abamaze kwandura ni 2 340 mu gihe 78 bamaze gupfa, naho 592 bamaze gukira.

Minisitiri w'Ubuzima muri Kenya, Mutahi Kagwe, yatangaje ko abandi barwayi barenga 100 basanganywe Coronavirus muri Kenya