Kenya: Abadepite basabye ko amata atumizwa muri Uganda ahagarikwa

Yanditswe na Iradukunda Serge
Kuya 11 Ukuboza 2019 saa 09:12
Yasuwe :
0 0

Itsinda ry’abadepite bo muri Kenya rirashinja Minisiteri y’ubuhinzi n’ubworozi kwirengagiza ikibazo cy’amata aturuka muri Uganda, akica isoko ry’aborozi muri iki gihugu.

Ibi aba badepite bavuga ko babibona nk’ikibazo kuko amata ava muri Uganda yica isoko bitewe nuko Kenya ubwayo ifite ubushobozi bwo kwihaza ku musaruro w’amata igasagurira n’isoko.

Iki kibazo cyagarutsweho mu nama iri tsinda ry’abadepite rishinzwe ibijyanye n’ubuhinzi n’ubworozi ryagiranye n’umunyamabanga ushinzwe ubworozi muri Minisiteri y’ubuhinzi Kimutai Harry.

Kimutai yavuze ko iki kibazo gihari koko ariko akaba asanga giterwa n’igiciro gihanitse cy’amata yo muri Kenya ugereranyije n’ayaturuka muri Uganda.

Yagize ati “Kubera ikirere cyiza no kororera mu nzuri, Uganda ifite ubushobozi bwo gutunganya amata ku giciro kiri hasi ugereranyije na Kenya”.

Mu mpapuro Kimutai yeretse iri tsinda ry’abadepite zerekana ko Kenya ubu ifite umusaruro w’amata ungana na litiro miliyari 5.6, izikoreshwa akaba ari miliyari 5.17 hagasaguka izingana na miliyoni 430, ariko iki gihugu kikarenga kigakura angana na litiro miliyoni 12 muri Uganda.

Kimutai yabwiye aba badepite ko bigoranye ko yagira icyo akora kuri iki kibazo kubera amasezerano y’isoko rusange yasinywe ku bihugu byo mu muryango wa Afurika y’iburasirazuba ariko yongeraho ko yagishyikirije Minisitiri w’ubucuruzi n’inganda.

Ingano y’amata ava muri Uganda ajya Kenya yatangiye kwiyongera mu 2017 nyuma y’isinywa ry’amasezerano y’isoko rusange hagati y’ibihugu bigize umuryango wa Afurika y’iburasirazuba mu 2005.

Amata aturuka muri Uganda akomeje kwinubirwa muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza