00:00:00 IGIHE NETWORK KN KINYARWANDA EN ENGLISH FR FRANCAIS

Julius Malema yasabye Raila Odinga kwemera ko yatsinzwe amatora

Yanditswe na Bukuru JC
Kuya 18 August 2022 saa 02:51
Yasuwe :

Umuyobozi w’ishyaka ritavuga rumwe n’ubutegetsi bwa Afurika y’Epfo, Julius Malema yasabye mugenzi we utavuga n’ubutegetsi muri Kenya, Raila Odinga kwemera ko yatsinzwe na William Ruto bari bahanganye.

Komisiyo y’amatora muri Kenya iherutse gutangaza ko Ruto ari we watsinze amatora ya Perezida aherutse, ku majwi 50.5% atsinze Odinga wagize amajwi 48.85.

Odinga yatangaje ko atemera ibyavuye mu matora kuko ngo afite ibimenyetso bihagije by’uko yibwe.

Mu kiganiro n’abanyamakuru, Malema yavuze ko Odinga akwiriye kwemera ko yatsinzwe.

Ati “Ndakeka ko igihe kigeze ngo yemere ko yatsinzwe ashake undi azajya ashyigikira, bishobora gutanga umusaruro. Ni ku nshuro ya gatanu (yiyamamaza), ntabwo byarenga aha, akwiriye kwemera ubundi agakomeza ubuzima.”

Malema yavuze ko ukurikije uburyo amatora ya Kenya abakandida bose banganyaga ababashyigikiye, nta gitangaza kirimo kuba umwe atakwemera ibyavuye mu matora, kuko amajwi yari yegeranye cyane.

Ati “Ariko abanya-Kenya bakwiriye gushyira imbere igihugu cyabo na demokarasi. Bagomba gukunda igihugu cyabo kurusha uko bakunda abantu ku giti cyabo.”

Ibihugu bitandukanye birimo n’iby’u Burayi bikomeje gushimira Komisiyo y’Amatora muri Kenya uburyo yayoboye amatora.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .