Jerry Rawlings wabaye Perezida wa Ghana yapfuye

Yanditswe na Iradukunda Serge
Kuya 12 Ugushyingo 2020 saa 03:30
Yasuwe :
0 0

Jerry Rawlings wabaye mu gisirikare cya Ghana kirwanira mu kirere akaba na Perezida w’iki gihugu imyaka 20 yapfuye.

Jerry Rawlings wabaye mu gisirikare cya Ghana kirwanira mu kirere akaba na Perezida w’iki gihugu imyaka 20 yapfuye.

Uyu mugabo w’imyaka 73 yapfuye mu gitondo cyo kuri uyu wa kane, aguye mu bitaro bya Korle-Bu biherereye mu Murwa Mukuru Accra.

Jerry Rawlings wayoboye Ghana kuva mu 1981 kugeza mu 2001 yamenyekanye cyane mu kubera uruhare yagize muri coup d’etat yo mu 1979, yaje gutuma afungwa ariko nyuma y’igihe gito akaza kurekurwa.

Muri uyu mwaka yaje kuyobora iki gihugu mu buryo butemewe ariko bigeze muri Nzeri asubiza ubuyobozi mu biganza by’abasivile, maze Ghana itangira kuyoborwa na Hilla Limann.

Nyuma y’imyaka itatu, Limann ari we uyobora Ghana, Rawlings yaje gufata umwanzuro wo kwegura intwaro arwanya ubutegetsi bwe kubera ko yamushinjaga ruswa.

Muri uyu mwaka yaje kongera guhita afata inshingano ariko ayobora Ghana nk’umusirikare. Mu 1992 nibwo yasezeye mu gisirikare cya Ghana akomeza kuyiyobora nk’umusivile kugeza mu 2001.

Jerry Rawlings wayoboye Ghana yapfuye
Jerry Rawlings yabaye mu Gisirikare cya Ghana kirwanira mu kirere
Aha ni mu 1987 ubwo Rawlings yari ari kumwe na nyakwigendera Muammar Al Gaddafi wahoze ayobora Libya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .