00:00:00 IGIHE NETWORK KN KINYARWANDA EN ENGLISH FR FRANCAIS

Ishyaka rya PSD ryasabye imbabazi muri gahunda ya ‘Ndi Umunyarwanda’

Yanditswe na

IGIHE

Kuya 24 Ukuboza 2013 saa 07:00
Yasuwe :
0 0

Ishyaka Riharanira Demukarasi n’Imibereho myiza y’Abaturage (PSD) ryasabye imbabazi Abanyarwanda bose ku mugaragaro, kubera uruhare bamwe mu bayoboke baryo bagize muri Jenoside yakorewe Abatutsi muri Mata 1994.
Ibi ishyaka PSD ryabitangaje kuwa Gatandatu tariki ya 21 Ukuboza 2013, mu nama ya biro politiki yaryo, aho riragaragaza ko ryitandukanyije n’abigeze kuba abayoboke baryo bakoze icyaha cya jenoside, ndetse rikaba risaba imbabazi Abanyarwanda muri rusange.
Dr Vincent Biruta Perezida (...)

Ishyaka Riharanira Demukarasi n’Imibereho myiza y’Abaturage (PSD) ryasabye imbabazi Abanyarwanda bose ku mugaragaro, kubera uruhare bamwe mu bayoboke baryo bagize muri Jenoside yakorewe Abatutsi muri Mata 1994.

Ibi ishyaka PSD ryabitangaje kuwa Gatandatu tariki ya 21 Ukuboza 2013, mu nama ya biro politiki yaryo, aho riragaragaza ko ryitandukanyije n’abigeze kuba abayoboke baryo bakoze icyaha cya jenoside, ndetse rikaba risaba imbabazi Abanyarwanda muri rusange.

Dr Vincent Biruta Perezida w’Ishyaka PSD akaba ari na Minisitiri w’Uburezi, yavuze ko gahunda ya ‘Ndi Umunyarwanda’ igamije gusubiza agaciro Abanyarwanda ndetse asaba buri Munyarwanda wese kwigira ku mateka mabi yaranze u Rwanda kuko yagize ingaruka ku buzima bw’igihugu no ku mibereho myiza y’Abanyarwanda, nk’uko tubikesha Imvaho Nshya.

Biruta yashimangiye ko amateka meza atikora ahubwo ko ibikorwa n’abantu ubwabo aribyo biyakora, ati “Ndi umunyarwanda ni gahunda igamije gusubiza agaciro buri Munyanyarwanda.’’

Ishyaka PSD risabye imbabazi kubera abayoboke baryo bakoze jenoside, mu gihe nyamara hari abayoboke baryo bari no mu nzego nkuru z’iri shyaka bazize Jenoside yakorewe Abatutsi muri mata 1994 barimo Nzamurambaho Frederic, Ngago Felicien, na Mushimiyimana Jean Baptiste n’abandi.

Gahunda ya Ndi Umunyarwanda kuva yatangira mu mpera za Kamena 2013, abantu bo mu nzego zitandukanye biganjemo abayobozi mu nzego nkuru z’igihugu bagiye bayitabira ndetse benshi basaba imbabazi.

Ndi Umunyarwanda kandi yongeye gushimangirwa n’Inama y’Abaminisitiri yateranye kuwa 27 Ugushyingo 2013, aho yashimye uburyo abagize guverinoma bayihagurukiye mu turere bakurikirana no muri za minisiteri bayobora n’ibigo bizishamikiyeho, ishishikariza n’izindi nzego zose n‘Abanyarwanda bose kwitabira no gkuyishyigikira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .