00:00:00 IGIHE NETWORK KN KINYARWANDA EN ENGLISH FR FRANCAIS

Inteko ya Uganda yagaragaje ko idateze kuzatora amategeko yorohereza abaryamana bahuje ibitsina

Yanditswe na Bukuru JC
Kuya 7 Ugushyingo 2022 saa 05:25
Yasuwe :

Visi Perezida w’Inteko Ishinga Amategeko ya Uganda, Thomas Tayebwa yatangaje ko Inteko ayoboye idateze na rimwe kuzatora amategeko yorohereza abaryamana bahuje ibitsina kwisanzura muri Uganda.

Tayebwa yabitangarije i Maputo muri Mozambique mu nama y’Umuryango uhuza Inteko zishinga Amategeko za Afurika, Caraïbes na Pacifique (ACP-EU ), yabaye guhera kuwa 29 Ukwakira kugeza kuya 2 Ugushyingo 2022.

Uyu muyobozi yavuze ko igihugu cye kitemeranya n’abavuga ko abaryamana bahuje ibitsina bakwiriye uburenganzira busesuye ku buryo biba ihame kuri za Guverinoma.

Ati “Numvise hari uwavuze ngo abaryamana bahuje ibitsina no gukuramo inda ni uburenganzira bwa muntu dukwiriye kubahiriza. Ndashaka kubamenyesha ko ibyo bitazigera byemerwa muri Uganda. Mu gihe nkiyoboye Inteko, ayo mategeko ntazigera atorwa kuko ahabanye n’indangagaciro zacu.”

Uganda yamaganwe n’Abanyaburayi mu 2014 ubwo yashyiragaho itegeko ryamagana ubutinganyi rigena ko uwahamwe n’icyaha cyo kuryamana hagati y’abo mu bagize umuryango wa LGBTQ ndetse ugena ko kwamamaza ubutinganyi ari icyaha gihanwa n’amategeko.

Nyuma yo kujya ku gitutu, Uganda yisubiyeho itegeko ntiryatangira gukoreshwa ariko mu mvugo z’abanyapolitiki buri gihe bakunze kubyamagana.

Perezida Museveni aherutse kuvuga ko kuryamana kw’abahuje ibitsina ari umuco utemewe muri Uganda, nubwo yemeza ko uwo bigaragayeho ntacyo bamutwara, gusa ashimangira ko atari n’ibyo kujya kuvuga mu ruhame.

Tayebwa yavuze ko Uganda idateze kuzatora amategeko yorohereza abaryamana bahuje ibitsina

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .