00:00:00 IGIHE NETWORK KN KINYARWANDA EN ENGLISH FR FRANCAIS

Ingabo za Uganda zaguye umwuma mu ntambara zirimo muri RDC

Yanditswe na Musangwa Arthur
Kuya 4 Ukuboza 2021 saa 08:15
Yasuwe :

Ingabo za Uganda ziri mu bikorwa byo kurwanya umutwe w’iterabwoba wa ADF mu Burasirazuba bwa Repubulika Iharanira Demokarasi ya Congo (RDC), zatangaje ko zahuye n’ibibazo uruhuri zitari ziteguye, birimo n’ibura ry’amazi yo kunywa.

Umuyobozi Ushinzwe amakuru muri Operasiyo Shujaa iri gukorera mu Ntara ya Kivu y’Amajyaruguru ya RDC, Peter Mugisa, yavuze ko bari kujya kwizanira amazi bayakuye muri Uganda.

Ati “Indi mbogamizi ni uko twabonye ko nta mazi yo kunywa ahari. Ushobora kwibaza ko buri gihe tuzanirwa amazi aturutse muri Uganda. Gusa dufite umugambi wo kuzana abantu bacu kugira ngo bubake ahashobora gukurwa amazi, aho tuzaba turi hose.”

Nk’uko NTV yabitangaje, uretse ikibazo cy’amazi yo kunywa, izi ngabo zahagaritse urugamba kuko intwaro ziremereye zabuze aho zinyuzwa kubera kwangirika gukabije kw’imihanda n’ibiraro bihuza uduce ziri kurwanamo.

Yavuze ko bateganya kuzana ibikoresho bizatuma basana imihanda ku buryo ishobora kunyuzwaho intwaro ziremereye, avuga ko ibyo bikorwa bishobora kuzatinza urugamba ku gihe cy’icyumweru cyose ariko ahishura ko bizeye kuzatsinda umwanzi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .