00:00:00 IGIHE NETWORK KN KINYARWANDA EN ENGLISH FR FRANCAIS

Ingabo za Somalia zigaruriye umujyi wari warabaye ibirindiro bya Al Shabaab

Yanditswe na Rosine Ingabire
Kuya 17 Mutarama 2023 saa 09:07
Yasuwe :

Ingabo za Somalia zigaruriye umujyi wa Harardhere uri ku nyanja y’Abahinde, wari umaze igihe ari ibirindiro bikomeye by’umutwe w’iterabwoba wa Al Shabaab.

Ni nyuma y’ibitero bikomeye ingabo za Leta ku bufatanye n’imitwe yitwaje intwaro bifatanya zagabye kuri Al Shabaab muri ako gace muri Kanama umwaka ushize, bikarangira zitsimbuye uwo mutwe w’iterabwoba.

Minisitiri w’Ingabo wa Somalia, Abdulkadir Mohamed Nur yatangaje ko hari n’undi mujyi wa Galcad uri hafi Harardhere wasubijwe mu maboko y’ingabo za Leta.

Guhera mu 2010 nibwo Al Shabaab yigaruriye Harardhere, ihambuye ba rushimusi bo mu mazi mu nyanja y’Abahinde.

Leta ya Somalia yijeje ko n’indi mijyi itarabohorwa bizakorwa mu minsi ya vuba.

Bivugwa ko abarwanyi ba Al Shabaab bahungiye mu bice by’icyaro, bagatwara abaturage bamwe nk’imfungwa.

Ingabo za Somalia zigaruriye umujyi wa Harardhere wari warabaye ibirindiro bya Al Shabaab

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .