00:00:00 IGIHE NETWORK KN KINYARWANDA EN ENGLISH FR FRANCAIS

Imirwano hagati ya M23 na FARDC yubuye

Yanditswe na Bukuru JC
Kuya 21 Ukwakira 2022 saa 11:06
Yasuwe :

Imirwano hagati y’igisirikare cya Repubulika Iharanira Demokarasi ya Congo (FARDC) n’umutwe wa M23 yubuye mu ntara ya Kivu y’Amajyaruguru, mu gace ka Rutshuru.

BBC yatangaje ko muri ako gace imirwano iri kuberamo abaturage batangiye guhunga ku bwinshi.

Umwe mu bayobozi bo muri Rutshuru yavuze ko M23 yagabye ibitero ku birindiro by’ingabo za Congo, nazo zigasubiza.

Icyakora, M23 ibinyujije ku mbuga nkoranyambaga zayo yatangaje ko ariyo yashotowe na FARDC, ikirwanaho.
Hashize amezi ane M23 ifashe umujyi wa Bunagana uri hafi y’umupaka wa RDC na Uganda.

Imirwano ibaye nyuma y’iminsi ingabo za Kenya zoherejwe muri ako gace gufasha iza Congo guhangana n’imitwe yitwaje intwaro. Ntabwo biramenyekana niba ingabo za Kenya nazo ziri mu mirwano ku ruhande rwa Congo.

M23 ishinja Leta ya Congo kwirengagiza amasezerano y’amahoro bagiranye no gukomeza gutoteza abavuga Ikinyarwanda muri icyo gihugu.

Buri ruhande yaba M23 cyangwa FARDC barashinjanya ubushotoranyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .