00:00:00 IGIHE NETWORK KN KINYARWANDA EN ENGLISH FR FRANCAIS

Igisirikare cya Amerika cyahawe igihe ntarengwa cyo kuva muri Niger

Yanditswe na Innocent Dushimimana
Kuya 21 May 2024 saa 12:57
Yasuwe :

Niger na Leta Zunze Ubumwe za Amerika byemeranyije ko abasirikare b’iki gihugu bagomba kuva ku butaka bwayo bitarenze itariki 15 Nzeri mu 2024.

Ni icyemezo gikubiye mu itangazo impande zombi zemeranyijeho ndetse rishyirwa hanze mu mpera z’icyumweru gishize.

Muri iri tangazo hashimwe ubwitange bw’ingabo za Niger n’iza Amerika mu kurwanya imitwe y’iterabwoba, ryongeraho ko uku kuhava bitazagira ingaruka ku gukomeza umubano wa Amerika na Niger.

Riti "Amerika na Niger biracyashikamye ku biganiro bya dipolomasi hagamijwe kugena ahazaza h’umubano w’ibihugu byombi.”

Muri Werurwe mu 2024 nibwo Guverinoma ya Niger yatangaje ko yasheshe amasezerano n’ubufatanye mu bya gisirikare yari ifitanye na Niger.

Iki gihugu cyashinje Amerika gushaka kwivanga mu mitegekere y’imbere ndetse n’imyanzuro gifata mu bijyanye n’ububanyi n’amahanga.

Mu myaka itandatu ishize nibwo Niger yashoye miliyoni 100$ mu kubaka ikibuga cya drones za gisirikare mu Mujyi wa Agadez. Cyabarizwagamo abasirikare b’iki Gihugu barenga 1000.

Igisirikare cya Amerika cyahawe igihe ntarengwa cyo kuva muri Niger

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .