Ibihumbi by’Abanye-Somalia byugarijwe n’inzara kubera inzige

Yanditswe na Tuyishimire Raymond
Kuya 12 Mata 2021 saa 01:12
Yasuwe :
0 0

Umuryango w’Abagiraneza wavuze ko kubera inzige n’imihindagukire y’ikirere yatumye imvura itagwa byatumye ababarirwa muri miliyoni muri Somalia bazabura ibiribwa bihagije.

Umuryango wita ku bana Save the Children wavuze ko umusaruro w’imboga n’ibiribwa uteganyijwe kugabanuka ku kigero cya 80% muri iki gihembwe.

Ni mu gihe amafaranga yavaga mu kugurisha amatungo nka kimwe mu bigize ubukungu bwa Somala biteganyijwe ko azagabanuka kugera kuri 55%.

Uyu muryango uvuga ko ababyeyi bagerageza kugaburira abana babo nibura inshuro imwe ku munsi. Ibyo bigatuma bamwe muri bo bagira ikibazo cy’imirire mibi.

Byitezwe ko muri uyu mwaka, imiryango ikennye iri mu Majyepfo ya Somalia izabona nibura 15 % mu byo bahinze. Mu kindi gisa n’ikigoye ni uko umusaruro w’ibyo bahinze uyu mwaka watanze kimwe cya Kabiri cy’ibyo barya.

Abanya-Somalia basanzwe bahura n’ibibazo byinshi bitandukanye birimo inyeshyamba z’intagonndwa zigendera ku mahame akaze y’idini rya Kisilamu zikunze kubibasira, ibibazo bya Politiki no kuba Guverinoma imaze imyaka irenga 30 itubatse mu buryo buhamye.

Abaturage bo muri Somalia babaribwa bugarijwe n'inzara yatewe n’inzige ndetse n’imihindagurikire y’ibihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .