00:00:00 IGIHE NETWORK KN KINYARWANDA EN ENGLISH FR FRANCAIS

Hagaragaye amashusho y’inyeshyamba zambika ubusa abanyeshuri muri Cameroun.

Yanditswe na Iradukunda Jean de Dieu
Kuya 25 January 2022 saa 12:51
Yasuwe :

Hagaragajwe ko amashusho akomeje gusakazwa ku mbuga nkoranyambaga zirimo ‘WhatsApp’ agaragaramo abantu bitwaje intwaro bari guhatira abana b’abanyeshuri gukuramo imyenda bakambara ubusa, atafatiwe muri Nigeria ahubwo ari muri Cameroun.

BBC dukesha iyi nkuru ivuga ko benshi mu bari gutambutsa iyi ‘video’ bari kwibeshya bakavuga ko yafatiwe muri Nigeria mu gace ka Kebbi.

Ukuri ni uko aya mashusho yafatiwe kuri rimwe mu mashuri yo mu mujyi wa Buea ukoresha ururimi rw’Igifaransa usanzwe urangwamo ibibazo by’umutekano muke muri Cameroun.

Muri iyi ‘video’ harimo abana b’abanyeshuri bagera muri 13 mu mpuzankano z’ubururu. Aba bitwaje intwaro nkuko amashusho akomeza abigaragaza, baba bari gutera abanyeshuri ubwoba.

Barasa hejuru no hasi, bagategeka aba banyeshuri “gukuramo imyenda” banababwira ko utababyubahiriza ari buraswe agapfa.

BB yatangaje ko ibi byabaye tariki ya 22 Mutarama 2022.

Aba bitwaje intwaro bari mu nyeshyamba zo muri Cameroun zishaka ko iki gihugu kigabanywamo ibice bibiri, hakabaho igikoresha Icyongereza n’ikindi gikoresha Igifaransa.

Guverinoma ya Cameroun yatangaje ko nta munyeshuri wakomerekejwe n’izo nyeshyamba.

Aka gace niko gaherereyemo ishuri inyeshyamba zambikiyeho ubusa abanyeshuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .