Komite ebyiri z’Inteko zishinga amategeko z’ibihugu by’Akarere k’Ibiyaga Bigari(ICGRL) zasohoye raporo zibangamiwe n’ikibazo cy’ubushobozi bw’ubukungu mu kuzuza inshingano zabo zo kugarura amahoro arambye muri aka karere.

Izi komite za ICGLR ni imwe ishinzwe ubugenzuzi ku mipaka (Mécanisme de Vérification Conjoint Elargi (MVCE) n’ishinzwe guhuza inzego z’ubutasi mu bihugu 11 bihujwe n’iyi nteko (Centre conjoint de fusion des renseignements), hakaba hari izikorera mu Mujyi wa Goma mu Ntara ya Kivu y’Amajyaruguru.

Nk’uko tubikesha Rwanda News Agency, izi komite mu Mujyi wa Goma guhera muri 2012, zagaragaje raporo yerekana imbogamizi bafite mu kugarura amahoro n’umutekano zihagarika imitwe yitwaje intwaro igikorera mu karere irimo na FDLR .

Iyi raporo r yashyikirijwe itsinda rigizwe n’ingabo za Loni ziri mu butumwa bw’amahoro muri Congo (Monusco) zari zahuye n’abagize ICGLR ku wa Gatandatu tariki 26 Mata 2014yerekanye, ko ibibazo by’ubukungu bikiri imbogamizi ituma zitabasha guhashya burundu inyeshyamba FDLR.

MVCE yari ihagarariwe n’abasirikare bakuru batanzwe na ICGRL mu gihe indi komite uari ihagarariwe n’abasirikare bakuru baturutse mu nzego z’ubutasi zo mu bihugu bihujwe n’iyi nteko.

Ku birebana n’ikibazo cy’ubukungu Umuyobozi wa Monusco, Martin Kobler, yavuze ko gituma bose batagera ku nshingano zabo zo kugarura amahoro muri Congo.

Kuri we abona komite zombi za ICGRL zikwiye kongererwa ingufu zigakora neza mbere yo gutangiza ibikorwa ba gisirikare.

Kobler yagize ati Igikenewe mbere na mbere ni ugukemura ikibaz o cya FDLR, ariko ni ngombwa kunoza imikorere. Nib anta mafaranga ahari ntibishoboka ko byakorwa”.

Bivugwa ko izi komite zombi zisigaye ziterwa inkunga gake n’abazifasha cyane ko MVCE ifashwa n’imiryango mpuzamahanga naho Ishinzwe ubutasiigafashwa n’ibihugu bigize ICGRL.

Umunyamabanga Nshingwabikorwa wa ICGRL, Ntumba Luaba, yemeje ko agiye gukora ubukangurambaga mu nzego zibiishinzwe zigashakisha uburyo bwo gufasha komite zombi.

Ntumba Luamba, Umunyamabanga Nshingwabikorwa wa ICGRL

Yagize ati “ Tugiye gukorana na Monusco mu gukangurira ibihugu bihuriye muri ICGRL n’umuryango mpuzamahanga gushaka uburyo bufatika bwo bwatuma imikorere igenda neza”.

Iyi mikoranire ijyanye n’imyanzuro ya Loni isaba Monusco gukoranira hafi n’izi komite mu kugarura amahoro n’umutekano mu karere.