Ndirakobuca uri mu basenateri babiri baherutse gutorerwa guhagararira ishyaka CNDD-FDD riri ku butegetsi mu ntara ya Bujumbura, yatowe ku majwi 100%.

Générose Ngendanganya yatorewe kuba Visi Perezida wa mbere wa Sena y’u Burundi, Clotilde Kampimbare atorerwa kuba Visi Perezida wa kabiri.

Ndirakobuca uzwi nka Ndakugarika yakoze imirimo itandukanye muri Leta y’u Burundi, irimo kuyobora urwego rushinzwe iperereza (SNR) n’umuyobozi wungirije wa Polisi.

Kuva muri Kamena 2020 kugeza muri Nzeri 2022, Ndirakobuca yabaye Minisitiri w’Umutekano w’Imbere mu gihugu, nyuma y’aho aba Minisitiri w’Intebe, asimbuye Alain Guillaume Bunyoni.

Muri Gicurasi 2025, Perezida Evariste Ndayishimiye yasezereye Ndirakobuca muri Polisi y’u Burundi, aho yari afite ipeti rya Lieutenant Général, bimufungurira inzira yo kwiyamamariza umwanya muri Sena, ahagarariye CNDD-FDD i Bujumbura.

Ku mwanya wa Perezida wa Sena, asimbuye Sinzohagera Emmanuel wabangikanyaga izi nshingano y’ubusenateri no kuyobora itorero rya Méthodiste Unie mu Burundi no mu Rwanda.

Ndirakobuca yatorewe kuba Perezida wa Sena y'u Burundi

Ngendanganya yatorewe kuba Visi Perezida wa mbere wa Sena y'u Burundi

Kampimbare yatorewe kuba Visi Perezida wa kabiri wa Sena y'u Burundi