00:00:00 IGIHE NETWORK KN KINYARWANDA EN ENGLISH FR FRANCAIS

FARDC iravugwaho kwihekura ikica umusirikare ukorana na M23

Yanditswe na Mukwaya Olivier
Kuya 26 May 2022 saa 08:17
Yasuwe :

Ingabo za Repubulika Iharanira Demokarasi ya Congo, FARDC, ziravugwaho guhitana umusirikare mugenzi wabo wakekwagaho gukorana n’umutwe wa M23 bahanganye mu ntambara imaze iminsi.

Col Mushagalusha Birhuman Alias Tera Novo bivugwa ko yarashwe na bagenzi mu gace ka Kibati muri Teritwari ya Nyiragongo.

Umuvugizi w’Ingabo za M23, Major Willy Ngoma, yahakanye ko uwo musirikare yakoranaga na bo, ashinja FARDC kugendera ku macakubiri bakamuhora ko ari umushi.

Ati “’Ingabo za FARDC zishe Col Mushagalusha zimushinja gukorana natwe kandi si byo ahubwo bamuhoye ko ari umushi bashaka kwerekana ko afitanye isano n’abavuga Ikinyarwanda’’.

Amakuru avuga ko abamwishe bahise binjira muri Pariki ya Virunga berekeza muri Teritwari ya Nyiragongo.

Ntacyo igisirikare cya Congo kiratangaza ku rupfu rw’uwo musirikare.

Kuri ubu imirwano irakomeje aho Ingabo za M23 zamaze kwigarurira uduce twa Kibumba, Nganzo, Kibu, Kigarame zikaba zirimo kwegera agace ka Rugari aho abaturage batangiye guhungira i Rumangabo naho aba Kibumba bakomeje guhungira mu Mujyi wa Goma.

Intumwa z’Umuryango w’Abibumbye muri Congo, MONUSCO, zakomeje gusaba abarwanyi b’Umutwe wa M23 gushyira intwaro hasi bakayoboka umugambi w’amahoro w’ibiganiro byabereye i Nairobi.

Col Mushagalusha Birhuman Alias Tera Novo bivugwa ko yishwe n'Ingabo za Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .