Umushinga wamenyekanye nka Grand Ethiopian Renaissance Dam wasize hubatswe urugomero runini cyane muri Afurika yose.
Perezida Donald Trump mu cyumweru gishize yavuze ko ingengo y’imari yarwubatse igizwe ahanini n’amafaranga yatanzwe na Amerika.
Umuyobozi wungirije mu biro icunga GERD, Fikrte Tamir, yabwiye BBC ko ibyo Trump yavuze nta kuri kurimo, kuko urugomero rwubatswe mu mafaranga ya Leta gusa “nta nkunga y’amahanga irimo.”
Ati “Ku byerekeye ibyo Trump yavuze, guverinoma ikwiye gusubiza ibanje kureba kure, hakanitabwa ku nzira za dipolomasi.”
Guverinoma ya Ethiopia ntacyo yigeze ivuga ku byo Trump yatangaje.
Uru rugomero rwuzuye rutwaye miliyari 4$, binyuze mu mpapuro mpeshamwenda guverinoma yashyize ku isoko zigurwa n’ibigo n’abantu ku gito cyabo, abanya-Ethiopia baba hanze y’igihugu boherezaga inkunga zabo n’ibindi byinshi.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!