00:00:00 IGIHE NETWORK KN KINYARWANDA EN ENGLISH FR FRANCAIS

Côte d’Ivoire: Perezida Alassane Ouattara yababariye Laurent Gbagbo

Yanditswe na Bukuru JC
Kuya 7 August 2022 saa 03:41
Yasuwe :

Perezida wa Côte d’Ivoire, Alassane Ouattara, yababariye Laurent Gbagbo yasimbuye ku butegetsi nk’uburyo bwo kwiyunga mu gihe hitegurwa amatora ya Perezida yo mu 2025.

Ni ubutumwa Perezida Alassane Ouattara yatanze kuri uyu wa Gatandatu, binyuze kuri televiziyo y’igihugu, mu gihe hitegurwaga umunsi w’ubwigenge bw’icyo gihugu kuri iki Cyumweru.

Alassane Ouattara kandi yasabye banki zo muri Côte d’Ivoire gufungura kinti za Gbagbo kandi akishyurwa umushahara we wose mu gihe yamaze atawufata nk’uwayoboye igihugu.

Gbagbo yayoboye Côte d’Ivoire guhera mu 2000 kugeza mu 2011 ubwo yakurwaga ku butegetsi ku ngufu nyuma yo gutsindwa amatora. Yasubiye muri Côte d’Ivoire mu 2019 nyuma yo kugirwa umwere n’urukiko mpuzamahanga mpanabyaha (ICC).

Nubwo ICC yamugize umwere, inkiko z’imbere mu gihugu zari zaramukatiye gufungwa imyaka 20.

Kubabarira Gbagbo bije nyuma y’inama yamujuje na Ouattara muri Nyakanga ndetse na Henri Konan Bedie na we wahoze ari Perezida.

Alassane Ouattara (ibumoso) yababariye Laurent Gbagbo yasimbuye ku butegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .