00:00:00 IGIHE NETWORK KN KINYARWANDA EN ENGLISH FR FRANCAIS

Burundi: Ikibazo cy’ingendo gikomeje kuba ingutu mu Mujyi wa Bujumbura

Yanditswe na Mugisha Christian
Kuya 12 April 2022 saa 06:09
Yasuwe :

Nyuma y’iminsi hasohotse itegeko rivuga ko mu mujyi wa Bujumbura nta moto cyangwa amagare byemerewe kugendera mu duce tumwe na tumwe tw’uwo mujyi, ibibazo by’ingendo rusange bikomeje kuba ingutu.

Abaturage batuye muri uwo mujyi ndetse no mu nkengero zawo, bavuga ko kubera moto n’amagare bibujijwe mu duce tumwe, bagenda n’amaguru bigatuma benshi basiba akazi kabo cyangwa bagakererwa, kuko n’imodoka zitwara abantu mu buryo bwa rusange ari nke.

Ibi kandi bihurirana n’uko imodoka zitwara abantu mu buryo bwa rusange zuriza ibiciro kubera ikibazo cyugarije ibihugu byinshi, cyo kubura ibikomoka kuri peteroli ahanini biterwa n’ingaruka z’intambara yu Burusiya na Ukraine igiye kumara hafi ukwezi.

Abaturage batangaje ko bahangayikishijwe n’iki kibazo gikomeje kugaragara muri uyu mujyi, banasaba ko hagira igikorwa n’ubwo bamwe muri bo bavuga ko aribwo buryo babonye bwiza bwo kunanura imitsi.

Ku rukuta rwa Facebook, Gjuma Bee Thegam, yavuze ko bibagora cyane kugera ku kazi hakiri kare muri ibi bihe.

Yagize ati “Ni ikibazo gikomeye kuko bituma benshi tugenda n’amaguru bigatuma tugera ku kazi dutinze, biratuvuna cyane noneho ko hari n’ikibazo cy’ibikomoka kuri peteroli bikomeje kubura. Turasaba Leta ko yakuraho itegeko yashyizeho igakomorera amamoto n’amagare bigakomeza gukora.”

Niyongabo Nazari, na we wagaragaje ko abangamiwe n’iki kibazo, yavuze ko abarwayi bari kubapfana kubera kubura uko babageza kwa muganga.

Ati “Abarwayi bari kudupfana kubera ibibazo by’ingendo. Mbere wafataga moto yashiramo lisansi ugafata igare ariko ubu biragoye cyane.”

Mu mpera z’ukwezi kwa kabiri, nibwo Minisiteri ishinzwe umutekano w’Imbere mu Gihugu n’Iterambere mu Burundi, yashyizeho itegeko rivuga ko za moto ndetse n’amagare bitemerewe gukorera mu duce tumwe two mu mujyi wa Bujumbura nk’uko byari bisanzwe bikora.

Benshi mu bakora ingendo rusange muri Bujumbura babangamiwe no kubura imodoka na moto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .