00:00:00 IGIHE NETWORK KN KINYARWANDA EN ENGLISH FR FRANCAIS

Bénin: Perezida Patrice Talon yatangije ibiganiro bigamije kuvugurura imishahara y’abakozi

Yanditswe na Umutoni Rosine
Kuya 26 April 2022 saa 04:39
Yasuwe :

Kuri uyu wa Kabiri tariki 26 Mata 2022, Perezida wa Bénin, Patrice Talon yatangije ibiganiro byamuhuje n’amasendika y’abakozi ndetse n’abakoresha batandukanye muri icyo gihugu, bigamije kurebera hamwe uko havugururwa imishahara mu gihe ibiciro ku masoko bikomeje kwiyongera.

Ni isezerano yari yahaye abaturage be mu ijambo ribifuriza umwaka mushya yatangaje kuwa 31 Ukuboza umwaka ushize.

Mu batumiwe harimo sendika eshatu z’abakozi n’amahuriro abiri y’abakoresha muri icyo gihugu cyo mu Burengerazuba bwa Afurika. Mu bandi bitabiriye iyo nama harimo abaminisitiri batandukanye nk’uw’umurimo n’imari.

Mu mwaka wa 2011 nibwo Leta ya Bénin iheruka kongeza umushahara. Ku kwezi hemejwe ko umushahara fatizo uba 40 000 francs CFA, ni ukuvuga ibihumbi bisaga 67 Frw.

Bamwe mu bayobozi b’amasendika yitabiriye ibiganiro , batangarije RFI ko biteze umusaruro ufatika mu biganira bagirana na Perezida Talon.

Mu byitezwe muri iyo nama harimo kongera umushahara fatizo kugira ngo abaturage babashe guhangana n’ibiciro bikomeje kuzamuka ku masoko.

Abakozi bamaze igihe basaba ko imishahara yiyongera muri Bénin

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .