00:00:00 IGIHE NETWORK KN KINYARWANDA EN ENGLISH FR FRANCAIS

AU yiyemeje kumvikanisha Mali na CEDEAO

Yanditswe na Bukuru JC
Kuya 26 January 2022 saa 10:55
Yasuwe :

Umuryango w’Ubumwe bwa Afurika (AU) wiyemeje kuba umuhuza hagati ya Mali n’Umuryango w’Ibihugu byo mu Burengerazuba bwa Afurika, CEDEAO.

CEDEAO yafatiye Mali ibihano bikakaye by’ubukungu birimo guhagarika icyo gihugu mu muryango, gufunga imipaka yose igihuza na yo, guhagarika ubucuruzi ku bicuruzwa bitari ingenzi, gufatira konti za Banki ya Mali muri Banki ya CEDEAO n’ibindi.

Ni ibihano byafashwe kubera ko ubutegetsi bwa gisirikare bw’inzibacyuho buyobowe na Colonel Assimi Goïta bwananiwe gutegura amatora ya Perezida mu gihe bwari bwiyemeje.

Kuri uyu wa Kabiri, tariki ya 25 Mutarama 2022, Intumwa z’Umuryango wa Afurika Yunze Ubumwe zari i Bamako ziyobowe na Perezida wa Komisiyo ya AU, Moussa Faki Mahamat.

Yahuye n’abayobozi ba Mali barimo Perezida, Minisitiri w’Ububanyi n’Amahanga na Minisitiri w’Intebe.

Mu byagenzaga intumwa za AU ni ukugerageza kumva impande zombi hagati ya Mali na CEDEAO kuko Mali yahise ica umubano n’uwo muryango ndetse ikomeje kugaragaza ko ibihano yafatiwe harimo kurengera cyane.

Mali yatangaje ko ibiganiro na Moussa Faki Mahamat byagenze neza, kandi babyizeyeho umusaruro.

Algeria ni kimwe mu bihugu byiyemeje kunga Mali na CEDEAO ndetse ishyigikiwe na AU. Algeria ivuga ko byaba byiza Mali ikoze amatora mu mezi 16 ari imbere aho kuba imyaka itanu yari yatanzwe n’ubutegetsi bw’inzibacyuho muri Mali.

Moussa Faki Mahamat yavuye i Bamako akomereza i Dakar muri Sénégal guhura na Perezida Macky Sall.

Umuyobozi wa Komisiyo ya AU, Moussa Faki Mahamat yiyemeje guhuza Mali na CEDEAO

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .