Amerika yafatiye ibihano umugore wa Yahya Jammeh wayoboye Gambia

Yanditswe na IGIHE
Kuya 16 Nzeri 2020 saa 06:13
Yasuwe :
0 0

Zineb Jammeh, umugore wa Yahya Jammeh wayoboye Gambia yafatiwe ibihano na Amerika kubera ibyaha bitandukanye ashinjwa byiganjemo kunyereza umutungo w’igihugu akawukoresha mu nyungu ze bwite.

Minisiteri y’Imari muri Amerika yatangaje ko uyu mugore yagiye afatanya n’umugabo we gusahura igihugu, ndetse ko ari we wakurikiranaga imitungo myinshi y’umugabo we.

Imitungo ye yose iri muri Leta Zunze Ubumwe za Amerika, izakomanyirizwa ndetse n’abaturage b’iki gihugu ntabwo bemerewe kuba bakorana nawe ku bintu byose byerekeye amafaranga ajyanye n’iyi mitungo.

Muri Nyakanga uyu mwaka, Minisiteri y’Ubutabera muri Amerika yasabye ko uyu mugore yakwamburwa inzu ya miliyoni 3.5 z’amadolari yari afite muri Leta ya Maryland.

Ibi bihano bije nyuma yaho Amerika yari yashinje Zineb Jammeh ko mu gihe umugabo we yari ari ku butegetsi, yagiye arangwa n’ibikorwa bya ruswa.

Minisiteri y’Ubutabera muri Gambia yatangaje ko mbere yo gukura Jammeh ku butegetsi mu 2017, yari amaze kwiba agera kuri miliyoni 50 z’amadorali. Yahya Jammeh yatsinzwe mu matora amaze imyaka 22 ku buyobozi bwa Gambia.

Zineb Jammeh yafatiwe ibihano na Leta Zunze Ubumwe za Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .