00:00:00 IGIHE NETWORK KN KINYARWANDA EN ENGLISH FR FRANCAIS

Amerika yaburiye abenegihugu bayo ku gukorera ingendo mu mujyi wa Kisumu

Yanditswe na Bukuru JC
Kuya 3 August 2022 saa 06:31
Yasuwe :

Ambasade ya Leta Zunze Ubumwe za Amerika muri Kenya yaburiye Abanyamerika ibabuza gutemberera mu mujyi wa Kisumu, mu gihe iki gihugu cyitegura kwinjira mu matora rusange mu cyumweru gitaha.

Ambasade yavuze ko bishoboka ko hazaba imyigaragambyo ishingiye ku matora mu burengerazuba bw’uyu mujyi, ikaba ishobora no kugira ubukana nk’uko BBC yabitangaje.

Imyigaragambyo nyuma y’amatora iramenyerewe muri Kenya, ndetse ni cyo Ambasade ya Amerika ishobora kuba yashingiyeho itanga iyo miburo.

Visi Perezida William Ruto na Raila Odinga wahoze ari Minisitiri w’Intebe nibo bakandida bahabwa amahirwe yo kuzavamo uzegukana intsinzi.

Kisumu ufatwa nk’umujyi Raila Odinga yisangamo.

Polisi ya Kenya iherutse guta muri yombi abantu umunani bagize uruhare mu gukwirakwiza inyandiko nto, ziburira abantu zibasaba kuva mu gace ka Uasin Gishu, ahari abakunzi benshi ba William Ruto.

Abanyakenya bagiye gutora perezida mushya, ba guverineri bagera kuri 47, abasenateri, abadepite n’abandi bayobozi b’ibanze ku wa 9 Kanama.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .