00:00:00 IGIHE NETWORK KN KINYARWANDA EN ENGLISH FR FRANCAIS

Ali Bongo ntiyemeranya n’abamushinja kudindiza ubukungu bwa Gabon

Yanditswe na Innocent Dushimimana
Kuya 29 May 2024 saa 07:53
Yasuwe :

Ali Bongo wahoze ari Perezida wa Gabon yatangaje ko atari kubasha gukemura ikibazo cy’ubukungu muri iki gihugu wenyine, ahubwo ko abamushinja kubudindiza bagombaga kumufasha.

Ibi yabivugiye mu kiganiro yagiranye n’umunyamakuru Marwane Ben Yahmed w’ikinyamakuru Jeune Afrique.

Iki kiganiro cyasohotse mu gihe Gen Brice Clotaire Oligui Nguema wamukuye ku butegetsi yateganyaga kugirira uruzinduko i Paris mu Bufaransa tariki 28 Gicurasi 2024.

Gen Nguema ubwo yakuraga Bongo ku butegetsi mu 2023 yavuze ko uyu munyepolitike yaranzwe n’imiyoborere mibi, ahungabanya ubukungu ariko we ntiyigeze abyemera ubwo yaganiraga na Yahmed.

Bongo mu magambo ye yagize ati “Ntabwo nayoboye igihugu njyenyine. Bamwe mu bo twakoranye, uyu munsi barantuka. Ntacyo bafite cyo kuvuga? Ese Bongo ni we nyirabayazana w’ibibazo bya Gabon yose? Tuzareba niba bo bazakora neza.”

Bongo yashinjwe kunyereza amafaranga menshi ya Leta, ndetse no gutegura umuhungu we ngo azamusimbure ku butegetsi, gusa muri iki kiganiro byose yabihakanye avuga ko ababivuga bagamije kumusebya.

Mu gihe Bongo aba mu nzu icungiwe umutekano n’abamukuye ku butegetsi kandi akaba agishimangira ko ariwe Perezida wa Gabon wemewe n’amategeko, yavuze ko adateze kuva muri iki gihugu mu gihe yaba atari kumwe n’umugore we Sylvia ndetse n’umuhunguwe Noureddin.

Ali Bongo yavuze ko atari we wayoboraga Gabon wenyine ku buryo yashyirwaho amakosa yose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .