00:00:00 IGIHE NETWORK KN KINYARWANDA EN ENGLISH FR FRANCAIS

Algeria yahagaritse ubuhahirane na Espagne

Yanditswe na Umutoni Rosine
Kuya 9 June 2022 saa 10:53
Yasuwe :

Algeria yahagaritse ubuhahirane mu bucuruzi yari ifitanye na Espagne, ishinja icyo gihugu cy’u Burayi imyitwarire mibi mu kibazo cya Sahara y’Iburengerazuba.

Ni itangazo ryasohotse kuri uyu wa Kane nyuma y’umunsi umwe Algeria ihagaritse amasezerano yari ifitanye na Espagne yo gukumira abimukira.

Algeria kandi yahagaritse kuvana ibicuruzwa muri Espagne mu gihe cyose ikibazo kitarakemuka.

Umuryango w’Ubumwe bw’u Burayi wasabye Algeria kwisubiraho, ikagana inzira y’ibiganiro mu gukemura ikibazo.

Espagne niyo yahoze ikoloniza Sahara y’Iburengerazuba mbere y’uko Sahara yomekwa kuri Maroc mu 1975. Kuva ubwo Maroc na Algeria byakunze kurebana ay’ingwe bipfa icyo gice.

Algeria ishyigikiwe umutwe wa Polisario ugamije ubwigenge bwa Sahara y’Iburengerazuba mu gihe Maroc yo ivuga ko ari agace kayo.

Muri Werurwe uyu mwaka nibwo Espagne yemeje ku mugaragaro ko ishyigikiye umugambi wa Maroc wo guha ubuyobozi bwihariye agace ka Sahara y’Iburengerazuba aho kuyiha ubwigenge busesuye.

Byarakaje Algeria ndetse ihamagaza ambasaderi wayo muri Espagne.

Hashize igihe kinini Maroc na Espagne bitumvikana ku hazaza ha Sahara y'Iburengerazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .