Ubusanzwe muri Gashyantare buri mwaka, Minisitiri w’Imari wa Afurika y’Epfo atangaza ingengo y’imari ariko ku wa 19 Gashyantare 2025 yabisubitse, abyimurira mu kwezi gutaha.

Umuvugizi wa Guverinoma ya Afurika y’Epfo, Thoko Didiza, yatangaje ko ari ubwa mbere bibaye mu myaka 31 ishize, kuva Afurika y’Epfo yava mu bihe bya Apartheid byahezaga amoko.

Ishyaka ANC riri ku butegetsi ryari ryarasabye ko umusoro ku nyongeragaciro wava kuri 15%, ukagera kuri 17%, gusa DA (Democratic Alliance) rihagarariwe muri Guverinoma ryo ryagaragaje ko byahungabanya ubukungu bw’igihugu.

Guverinoma ya Afrika y’Epfo igizwe n’amashyaka 10 asaranganya ubuyobozi, nyuma y’aho mu matora y’Inteko Ishinga Amategeko yabaye mu 2024 habuze ishyaka ribona ubwiganze busesuye bw’amajwi. Ibi bivuze ko imyanzuro ifatwa igomba kuba yemeranyijweho n’amashyaka yose.

Abagize Guverinoma ya Afurika y'Epfo bananiwe kumvikana ku izamurwa ry'umusoro ku nyongeragaciro

Minisitiri w'Imari yimuriye itangazwa ry'ingengo y'imari muri Werurwe 2025