Ibi byatumye amashuri 20 yo muri iyi ntara afungwa ndetse bitegekwa ko akorwamo isuku akanaterwamo imiti.

Tariki 1 Kamena uyu mwaka nibwo ubutegetsi muri Afurika y’Epfo, bwasubukuye amashuri nyuma y’igihe yarafunzwe kubera coronavirus.

Umuyobozi ushinzwe uburezi muri Cape y’Iburengerazuba, Debbie Schafer, we yatangaje ko ubu bwandu butatewe n’uko amashuri yongeye gufungurwa.

Yagize ati “Muri aba banyeshuri 1800 basanganwe coronavirus, 15 37 muri bo bari barasanganwe iki cyorezo mbere y’uko amashuri yongera gufungurwa.”

Mbere y’uko amashuri afungurwa, yari yahawe miliyoni 16.3 z’amadorali ya Amerika kugira ngo akoreshwe mu bikorwa by’isuku, buri munyeshuri na mwarumi bahabwa udupfukamunwa tubiri kuri buri umwe, hanategekwa ko hagurwa ibikoresho byo gupima coronavirus n’ibindi.

Umuyobozi w’abatavuga rumwe na leta, Mmusi Maimane, we yatangaje ko igihe cyo gufungura amashuri kitari cyakageze.

Yagize ati “Perezida Cyril Ramaphosa yananiwe gusubiza ibaruwa twamwandikiye, twari twamuhaye amasaha 48 ariko nta mahitamo yaduhaye, tugiye kuyijyana mu nkiko kuko ntabwo twakomeza gukina n’ubuzima bw’abana bacu.”

Kugeza ubu Afurika y’Epfo iri imbere mu kugira abafite ubwandu benshi muri Afurika, abanduye bageze ku 61 927, mu gihe abamaze gupfa ari 1 354.

Abanyeshuri hafi ibihumbi bibiri banduye Coronavirus muri Afurika y'Epfo