00:00:00 IGIHE NETWORK KN KINYARWANDA EN ENGLISH FR FRANCAIS

ADF irakekwaho kugaba igitero cyishe abantu 14 muri Ituri

Yanditswe na Bukuru JC
Kuya 26 January 2022 saa 08:43
Yasuwe :

Abantu 14 biciwe muri Teritwari ya Irumu mu Ntara ya Ituri aho bikekwa ko inyeshyamba za ADF zifite inkomoko muri Uganda ari zo zabigizemo uruhare.

Amakuru atangazwa n’abatuye muri ako gace avuga ko ku wa Mbere, tariki 24 Mutarama 2022, ari bwo izo nyeshyamba zatwitse inzu z’abaturage ndetse zigasahura imitungo yabo.

Imiryango ya sosiyete sivile yahamagariye ubutegetsi gutangiza ibikorwa bya gisirikare kugira ngo ubugizi bwa nabi abasivile bakorerwa buhagarare.

Inzego z’umutekano zatangaje ko abo barwanyi bitirirwa ADF baturutse muri Kivu y’Amajyaruguru bambuka Umugezi wa Samboko muri Ituri binjira mu duce twa Masesele, Mongali na Point TU.

Abagera kuri 20 muri bo bamaze amasaha menshi barasa ari na bwo abantu 14 bapfuye.

Sosiyete sivile yakomeje ivuga ko ubukana bw’iki kibazo bwatewe n’uko nta bikorwa bihuriweho na FARDC n’ingabo za Uganda byo kurwanya inyeshyamba byigeze bikorerwa muri ako karere.

Ku ruhande rw’Umuyobozi w’Ingabo za FARDC muri ako karere, Gen. Mugisa, yavuze ko igice cyabereyemo icyo gitero kigenzurwa n’ibikorwa bya ‘Sokola1’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .