00:00:00 IGIHE NETWORK KN KINYARWANDA EN ENGLISH FR FRANCAIS

Abasirikare bose ba Amerika bavuye muri Somalia

Yanditswe na Theogene Uwiragiye
Kuya 15 Mutarama 2021 saa 07:15
Yasuwe :
0 0

Kuri uyu wa Gatanu tariki ya 15 Mutarama 2021, ingabo zose za Leta Zunze Ubumwe za Amerika zigomba kurara zishinguye ibirindiro byazo muri Somalia hubahirizwa itegeko Perezida Donald Trump yatanze mu ntangiriro z’Ukuboza 2020.

Izi ngabo zari muri Somalia kuva mu mwaka wa 2007 aho zari mu butumwa bwo kubungabunga umutekano no guhashya umutwe w’iterabwoba wa Al-Shabaab ukunze kwibasira abatuye icyo gihugu.

BBC yatangaje ko iri tegeko ryahise ritangira kubahirizwa kuko aba basirikare hafi ya bose bamaze kuva ku butaka bwa Somalia, aho biteganyijwe ko bazabanza kwimukira mu bihugu bituranye n’icyo gihugu mbere y’uko bose bagezwa iwabo muri Amerika.

Perezida Trump yakunze kuvuga ko ibigenda kuri aba basirikare ari byinshi kandi ko usanga umutekano barinda n’ubundi utagerwaho.

Hashize imyaka igera ku icumi Umutwe w’Iterabwoba wa Al-Shabaab uhungabanya umutekano muri Somalia.

Impuguke mu bya Gisirikare muri Amerika zakunze kuvuga ko umwanzuro wo gukura bibazo bikomeye by’umutekano. Ibi babivuga bashingiye ko nubwo hari abasirikare batojwe n’Abanyamerika muri Somalia, ko ingabo za Somalia zonyine zidashobora guhangana n’iyi mitwe y’iterabwoba.

Biteganyijwe ko kuri uyu wa Gatanu ingabo zose za Amerika zirara zivuye ku butaka bwa Somalia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .