Iri murikagurisha rizamara iminsi itandatu ryafunguwe ku mugaragaro na Perezida wa Mozambique, Daniel Francisco Chapo mu muhango witabiriwe na Ambasaderi w’u Rwanda i Maputo, Col (Rtd) Donat Ndamage.

Ryitabiriwe n’ibihugu 29 birimo n’u Rwanda, hamuriwa ibikorwa bya sosiyete 300 z’ubucuruzi z’inyamahanga na 1950 zo muri Mozambique.

Abaturutse mu Rwanda bitabiriye iri murikagurisha ni ba rwiyemezamirimo batunganya umusaruro w’ibikomoka ku buhinzi, abakora inkweto n’amasakoshi bitunganywa mu mpu ndetse n’amavuta cyane cyane ay’umusatsi.

Bavuye i Kigali bafite intego yo kwagurira isoko muri Mozambique no kuhashakira amahirwe y’ishoramari.

Perezida Chapo yasuye abacuruzi batandukanye bari kumurika ibikorwa byabo, areba umwihariko wa buri wese. Yageze ku baturutse mu Rwanda ari kumwe na Ambasaderi Ndamage, asobanurirwa uko ibicuruzwa byabo bitunganywa.

Perezida wa Mozambique yatangije imurikagurisha rya Maputo

Uyu muhango witabiriwe n'abayobozi ndetse n'abadipolomate

Abaturutse mu Rwanda bamuritse ibikorerwa muri iki gihugu

Bamuritse n'amasakoshi yakozwe mu mpu

Amavuta y'ubwoko butandukanye n'ibitera impumuro byamuritswe

Ambasaderi Col (Rtd) Donat Ndamage yagiye gushyigikira Abanyarwanda bari kumurika ibikorwa byabo