Abantu icyenda bamaze guhitanwa na COVID-19 muri Uganda

Yanditswe na Twarabanye Venuste
Kuya 10 Kanama 2020 saa 08:12
Yasuwe :
0 0

Minisiteri y’Ubuzima muri Uganda yatangaje ko abandi bantu babiri bapfuye bazize COVID -19 bituma umubare w’abamaze guhitanwa n’iki cyorezo ugera ku icyenda.

Abahitanwe na COVID-19 uyu munsi muri Uganda barimo umusore w’imyaka 27 y’amavuko wo mu Nkambi y’Impunzi ya Kyangwali waguye mu Bitaro by’Icyitegererezo bya Hoima n’umugabo w’imyaka 46 y’amavuko w’i Kampala waguye mu Bitaro bya Nsambya.

Muri rusange muri Uganda abantu 1 297 bamaze kwandura COVID -19, naho 1,137 bamaze kuyikira.

Ku Cyumweru, tariki ya 9 Kanama 2020, muri Uganda habonetse abantu 14 banduye COVID-19 biganjemo abari barahuye n’abanduye icyo cyorezo mu minsi yabanje.

Imibare yerekana ko abarenga 500 aribo bamaze guhitanwa na COVID-19 mu bihugu bigize Umuryango wa Afurika y’Iburasirazuba (EAC).

Kenya niyo imaze gutakaza abantu benshi bagera kuri 420, Sudani y’Epfo ni 47, Tanzania 21, u Rwanda barindwi naho mu Burundi ni umwe.

Muri rusange muri EAC hamaze kwandura abasaga ibihumbi 33 naho abamaze gukira barenga ibihumbi 17.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .