Mu itangazo ryashyizwe ahagaragara ku wa 18 Kanama 2026 Umushinjacyaha Mukuru w’u Burundi, Nkorerimana Rose, yatangaje ko yafunguye dosiye y’aba bantu.

Nkorerimana yavuze ko iri tsinda rigizwe n’abanyamahanga ndetse n’Abarundi, bakoresheje ibyangombwa bihimbano kugira ngo bashobore kwinjiza intwaro mu Burundi.

Ubushinjacyaha bwatangaje ko hari abantu babiri bamaze gutabwa muri yombi barimo Umurundi wabaga hanze witwa Muco Eddie na Du Toit Wayne Patrick ukomoka muri Afurika y’Epfo.

Iri tangazo rivuga ko hafashwe intwaro nyinshi ariko ntiryasobanuye ubwoko bwazo, cyangwa abo zagenewe ngo bazikoreshe.

Ubushinjacyaha Bukuru bw’u Burundi bwatangaje ko bukomeje iperereza rigamije kumenya neza uko izi ntwaro zinjiye mu gihhugu no kugaragaza uruhare rw’umuntu uwo ari we wese watumye zinjira.

Umushinjacyaha Mukuru w'u Burundi, Nkorerimana Rose, yatangaje ko abantu babiri bafatanywe intwaro nyinshi zinjiye mu gihugu