00:00:00 IGIHE NETWORK KN KINYARWANDA EN ENGLISH FR FRANCAIS

Tariki 11 Kamena

Yanditswe na

SHIKAMA Dioscore

Kuya 11 June 2022 saa 08:38
Yasuwe :

Tariki 11 Kamena ni umunsi wa162 mu minsi igize umwaka, hasigaye iminsi 203 uyu mwaka ukagera ku musozo.
Bimwe mu by’ingenzi mu byaranze uyu munsi
1776: Hashyizweho itsinda rigizwe na Thomas Jefferson, John Adams, Benjamin Franklin, Roger Sherman, na Robert R. Livingston ryari rigamije gukora inyigo ijyanye no gusaba ubwigenge bwa Leta Zunze Ubumwe za Amerika, akaba aribo bari ku isonga mu bayobozi ba za Leta mu bihe by’impinduramatwara.
1788: Gerasim Izmailov, umuvumbuzi ukomoka mu (...)

Tariki 11 Kamena ni umunsi wa162 mu minsi igize umwaka, hasigaye iminsi 203 uyu mwaka ukagera ku musozo.

Bimwe mu by’ingenzi mu byaranze uyu munsi

1776: Hashyizweho itsinda rigizwe na Thomas Jefferson, John Adams, Benjamin Franklin, Roger Sherman, na Robert R. Livingston ryari rigamije gukora inyigo ijyanye no gusaba ubwigenge bwa Leta Zunze Ubumwe za Amerika, akaba aribo bari ku isonga mu bayobozi ba za Leta mu bihe by’impinduramatwara.

1788: Gerasim Izmailov, umuvumbuzi ukomoka mu Burusiya yageze muri Alaska.

1805: Inkongi y’umuriro yibasiye igice kinini cy’Umujyi wa Detroit, muri Leta ya Michigan.

1825: Muri Leta Zunze Ubumwe za Amerika, mu Mujyi wa New York hatangiye kubakwa amazu hashingiwe ku misingi (foundation stone). Ibi byaturutse ku gitekerezo cya Fort Hamilton.

1892: I Melbourne muri Australia hafunguwe Limelight Department, imwe nzu zitunganya ibijyanye n’amafilimi yafunguwe bwa mbere.

1917: Umwami Alexandre yagiye ku ngoma y’ubwami bw’Abagereki, nyuma y’uko se Constantine I ahiritswe n’igitutu cy’ingabo zari zigaruriye Athènes.

Umwami Alexandre yayoboye u Bugereki, ku izina ry’ubwami bwiswe King of the Hellenes guhera mu mwaka w’1917 kugera mu 1920, nyuma yo kwivuganwa mu buryo butunguranye n’utunyamaswa tubiri tw’inkende.

1963: Umwe mu bantu bafite imyemerere ya Buddha, Thich Quang Duc yaritwitse yifashishije esansi yinubira ukutubahirizwa kw’uburenganzira n’ubwisanzure by’amadini.

1981: Umutingito wari ku gipimo cya 6.9, ku ngero z’ibipimo bya Richter, wibasiye igihugu cya Iran uhitana abantu 2000.

2001: Timothy McVeigh yahawe igihano cy’urupfu kubera uruhare yagize mu bitero bya bombe byibasiye umujyi wa Oklahoma.

2008: Minisitiri w’Intebe wa Canada Stephen Harper yasabye imbabazi ku mugaragaro ku byabaye mu mateka, ubwo abana bategekwaga kujya baba ku mashuri yabo bagatandukanwa n’ababyeyi babo mu bihe by’ubukoloni.

Bamwe mu bavutse uyu munsi

1915: Nicholas Metropolis, umunyamerika ufite n’inkomoko yo mu Bugereki, wari umuhanga mu bugenge, imibare n’ubumenyi mu bijyanye na mudasobwa.

1965: Manuel Uribe, umugabo ukomoka mu gihugu cya Mexico wigeze guca agahigo ko kugira umubyibuho ukabije. Mu 2008 yapimaga ibiro 560 (1,235 lb).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .