00:00:00 IGIHE NETWORK KN KINYARWANDA EN ENGLISH FR FRANCAIS

Tariki 17 Gicurasi

Yanditswe na

SHIKAMA Dioscore

Kuya 17 May 2022 saa 07:04
Yasuwe :

Tariki 17 Gicurasi ni umunsi wa 137 mu minsi igize umwaka, hasigaye 228 umwaka ukagera ku musozo.

Bimwe mu byaranze uyu munsi mu mateka

1642: Paul Chomedey de Maisonneuve washinze Umujyi wa Marie de Montréal.

Montréal ni umujyi wa mbere mugari mu Ntara ya Québec muri Canada, ukaba umujyi wa Kabiri munini muri iki gihugu. Mbere uyu mujyi wari uzwi nka Ville-Marie nyuma uza kwitwa Mont-Royal muri iki gihe uzwi ku izina rya Montréal biturutse uburyo byavugwaga mu Rurimi rw’Igifaransa cy’icyo gihe.

1673: Louis Joliot afatanyije na Jacques Marquette batangiye ubushakashatsi ku Mugezi wa Mississipi.

1865: Mu mujyi wa Paris, hatangiye International Telegragraph Union yaje guhabwa izina rya International Telecommunication Union.

1983: Israel, Liban na Leta Zunze Ubumwe za Amerika byashyize umukono ku masezerano yo kuvana Liban mu maboko ya Israel.

1990: Inteko rusange y’Ishami ry’Umuryango w’Abibumbye rishinzwe Ubuzima (WHO) yakuye kuryamana kw’abahuje ibitsina ku rutonde rw’indwara zo mu mutwe.

1992: Mu Mujyi wa Bangkok, Umurwa Mukuru wa Thailand hakozwe imyigaragambyo ikomeye yamaze iminsi itatu igamije kurwanya Guverinoma yari iyobowe na Suchinda Kraprayo. Iyi myigaragambyo yaguyemo abantu 52, abandi baburirwa irengero. Hakomeretse abantu amagana n’amagana, abarenga 3500 barafatwa.

1994: Malawi yatangiye ku nshuro ya mbere gukora amatora ashingiye ku mashyaka menshi.

1997: Ingabo za Laurent Kabila zageze mu Mujyi wa Kinshasa, iki gihe icyahoze ari Zaïre cyahindutse Repubulika Iharanira Demokarasi ya Congo.

Mu 1966, Perezida Mobutu yahinduye izina ry’imijyi myinshi irimo Léopoldville wahindutse Kinshasa, Stanleyville ihinduka Kisangani, Elisabethville ihinduka Lubumbashi naho Coquihatville ihabwa izina rya Mbandaka.

Mu 1970, Mobutu yahaye izina rishya igihugu cya Congo gihinduka Repubulika ya Zaïre ndetse n’Umugezi wa Congo uhabwa izina rya Zaïre.

Mobutu yayoboye iki gihugu kugera mu 1997 ndetse izina rya Zaïre rirahindurwa ryongera gufata irya Repubulika Iharanira Demokarasi ya Congo.

Laurent Désiré Kabila ari kumwe na AFDL (Alliance des Forced Démocratiques pour la Libération du Congo-Zaïre) mu 1997 yahiritse ku butegetsi Mobutu bituma ahunga ku wa 16 Gicurasi 1997.

Umunsi wakurikiyeho Laurent Désiré Kabila yatangaje ku mugaragaro ko abaye Perezida wa Zaïre, hahita hahindurwa n’izina iba Repubulika Iharanira Demokarasi ya Congo atangira imirimo ya Perezida ku mugaragaro tariki 20 Gicurasi 1997.

2009: Daila Grybauskaite yabaye umugore wa mbere wayoboye Lithuania.

Bamwe mu bavutse uyu munsi

1879: Simon Petlyura Vasylyovych, umwe mu baharaniye ubwigenge bwa Ukraine.

1982: William Anthony uzwi ku izina rya Tony Parker, umukinnyi w’umukino w’amaboko wa Basketball ukomoka mu Bufaransa.

Yavukiye mu Bubiligi ahitwa Bruges gusa akurira mu Bufaransa, se ni umwirabura w’Umunyamerika wakiniraga Basketball Loyala University Chicago.

Muri iki gihe Tony Parker akinira Ikipe ya San Antonio Spurs n’Ikipe y’Igihugu y’u Bufaransa.

Bamwe mu batabarutse uyu munsi

1875: John C. Breckinridge wabaye Visi Perezida wa 14 wa Leta Zunze Ubumwe za Amerika.

1963: John Wilce umunyabugenge wo muri Leta Zunze Ubumwe za Amerika, wabaye n’umutoza mukuru w’umupira w’amaguru muri Kaminuza ya Ohio.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .