00:00:00 IGIHE NETWORK KN KINYARWANDA EN ENGLISH FR FRANCAIS

Tariki 25 Mata

Yanditswe na

SHIKAMA Dioscore

Kuya 25 April 2022 saa 06:30
Yasuwe :

Tariki 25 Mata ni umunsi wa 115 mu minsi igize umwaka, hasigaye iminsi 250 umwaka ukagera ku musozo
Bimwe mu byaranze uyu munsi mu mateka
1792: Claude Joseph Rouget de Lisle yahimbye indirimbo yubahiriza igihugu cy’u Bufaransa izwi ku izina rya “La Marseillaise”. Uyu Claude yavutse tariki 10 Gicurasi 1760 yitaba Imana tariki 26 Kamena 1836, yari umusirikare w’igihugu cy’u Bufaransa wari ufite ipeti rya Kapiteni, yamenyekanye cyane kubera guhimba indirimbo zahaga morali abasirikare, cyane (...)

Tariki 25 Mata ni umunsi wa 115 mu minsi igize umwaka, hasigaye iminsi 250 umwaka ukagera ku musozo

Bimwe mu byaranze uyu munsi mu mateka

1792: Claude Joseph Rouget de Lisle yahimbye indirimbo yubahiriza igihugu cy’u Bufaransa izwi ku izina rya “La Marseillaise”.

Uyu Claude yavutse tariki 10 Gicurasi 1760 yitaba Imana tariki 26 Kamena 1836, yari umusirikare w’igihugu cy’u Bufaransa wari ufite ipeti rya Kapiteni, yamenyekanye cyane kubera guhimba indirimbo zahaga morali abasirikare, cyane iyaje kumenyekana ni iyo yise La Marsellaise yaje nyuma no guhinduka indirimbo yubahiriza igihugu cy’Ubufaransa.

1901: New York yabaye Leta ya mbere mu zigize Leta Zunze Ubumwe za Amerika, mu kwaka impushya zo gutwara ibinyabiziga.

1945: Umunsi ufatwa nk’ukwibohora kw’igihugu cy’u Butaliyani, ubwo Abanazi bavaga mu Majyaruguru y’iki gihugu mu ntambara ya kabiri y’isi yose, icyo gihe uwayoboraga u Butaliyani Benito Mussolini yahisemo guhunga.

1945: Ibihugu 50 byahuriye mu Mujyi wa San Francisco, muri Leta ya Calfornia mu nama mpuzamahanga yo gutangiza Umuryango w’Abibumye.

1945: Ingabo za nyuma z’u Budage zavuye muri Finland, ahitwa Lapland, dore ko n’iyi ntambara yahabereye yaje kuhitirirwa ikaba intambara ya Lapland.

2005: Bulgaria na Romania byashyize umukono ku masezerano yo kwinjira mu Muryango w’Ubumwe bw’ibihugu by’i Burayi.

2005: Abantu 107 baguye mu mpanuka ya gari ya moshi yabereye mu Buyapani.

Bamwe mu bavutse kuri iyi tariki

1284: Umwami Edward II w’u Bwongereza.

1948: Yu Shyi-kun wabaye Minisitiri w’Intebe wa Taiwan.

1987: Umukinnyi wa Rugby, Johann Smith.

Bamwe mu batabarutse kuri iyi tariki

68: Mutagatifu Mark, wabaye Papa wa mbere uturuka i Alexandria mu Misiri, ni na we washinze idina rya gikirisitu ku mugabane wa Afurika.

2003: Samson Kitur, Umunyakenya wakinaga imikino ngororangingo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .