00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 29 Werurwe

Yanditswe na

John Williams NTWALI

Kuya 29 March 2022 saa 07:27
Yasuwe :

Uyu munsi ni uwa 88 w’umwaka wa 2022, mu cyumweru cya 13 cyawo.

• Ku ngengabihe ya Geregori, turi ku wa 29 Werurwe 2022.

• Ku ngengabihe ya Misiri, turi ku wa 13 Mesori 2759.

• Ku ngengabihe ya Ethiopia, turi ku wa 20 Magabbit 2003.

• Ku ngengabihe ya Kisilamu, turi ku wa 23 Rabi II, 1432.

• Ku ngengabihe ya Israel, turi ku wa 23 Adar II, 5771.

Ibyamamare byavutse uyu munsi

1902: Havutse Marcel Aymé, umwanditsi ukomeye mu busizi, ibitekerezo, imigani n’ikinamico mu Bufaransa. Yanditse n’ibitabo bitari bike byo mu bwoko bwa "Romans."

1943: Havutse John Major wabaye Minisitiri w’Intebe w’u Bwongereza nyuma ya manda ya Madamu Margaret Tatcher.

Ibyamamare byatabarutse

-087: Hatabarutse Han Wu Ti, wabaye Umwami w’Abami w’u Bushinwa.

1792: Hatabarutse Gustave III, Umwami wa Suède wishwe n’abifuzaga kwigarurira intebe ye y’ubwami.

Bimwe mu byabaye ku wa 29 Werurwe mu mateka

1179: Hatowe Papa Lando, Umutaliyani uvuka i Sezze, aba Papa ku izina Innocent III. Yitwaye nabi bihagije, yeguzwa ku bupapa nyuma y’amezi 15.

1673: Haciwe iteka ko Abagatolika batemerewe na gato gukora imirimo ya Politiki mu Bwongereza.

1830: Umwami Ferdinand VII wa Espagne yashyizeho itegeko ryemerera abagore kuba baba Abamikazi bayobora igihugu.

1910: I Monaco, hatangijwe inzu ndangamurage w’ibinyenyanja "Musée Océanographique de Monaco". Yafunguwe ku mugaragaro n’Igikomangoma Albert I.

1949: Ni bwo nimero ya mbere y’ikinyamakuru cy’imikino "Paris-Match" yasohotse.

1967: Ni bwo Abafaransa batangije Ubwato bwabo bwa gisirikare mu bya Nucléaire bwiswe "ubutisukirwa - Le Redoutable".

1990: Mu Bubiligi, abagore bahawe uburenganzira bwo gukuramo inda.

1991: Mu marushanwa ya ruhago yaberaga mu Butaliyani, byemejwe ko Diego Maradona akoresha ibiyobyabwenge aterwa mu maraso, kugira ngo agire imbaraga zidasanzwe mu kibuga.

1981: Ni bwo Perezida François Mitterrand yatangiye kuyobora u Bufaransa.

2002: Umugore muto wo muri Palestine yiturikirijeho ibisasu mu iguriro rinini ry’ahitwa Kiryat HaYovel mu Majyepfo y’Uburasirazuba bwa Yerusalemu, ahitana abantu batatu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .