Bimwe mu byaranze uyu munsi mu mateka

1798: Louis Alexandre Berthier yakuye ku ngoma Papa Pius VI.

1835: Umujyi wa Concepción muri Chili wasenywe n’umutingito.

1872: Mu Mujyi wa New York, inzu ndangamurage Metropolitan y’imyuga yarafunguye.

1873: Kaminuza ya California yafunguye ishuri ryayo rya mbere ry’ubuganga i San Francisco ho muri California.

1933: Adolf Hitler yahuye mu ibanga n’abanyenganda b’Abadage ngo batere inkunga Ishyaka ry’Abanazi mu matora yari imbere.

1935: Caroline Mikkelsen yabaye umugore wa mbere wakandagiye muri Antarctica.

1944: Mu Ntambara ya II y’Isi, Leta Zunze Ubumwe za Amerika zafashe Ikirwa cya Eniwetok.

2009: Ebyiri mu ndege za Tamil Tigers zitwaye ibisasu bine zarashwe n’ingabo za Sri Lanka mbere yo kugera ku ntego mu gikorwa cy’ubwiyahuzi.

2010: Mu Kirwa cya Madeira cyo muri Portugal, imvura ikomeye yateje inkangu yica abantu 43, ari byo byago bikomeye mu mateka y’iki kirwa.

Bamwe mu bavutse kuri iyi tariki

1901: Muhammad Naguib, wabaye Perezida wa Misiri.

1945: Annu Kapoor, umukinnyi wa sinema w’Umuhinde.

1951: Gordon Brown, wabaye Minisitiri w’Intebe w’u Bwongereza ndetse n’umudepite.

James Gordon Brown

1966: Cindy Crawford, umunyamideli w’Umunyamerika.

1988: Rihanna, umunyamuziki wo mu Kirwa cya Barbade uba muri Leta Zunze Ubumwe za Amerika.

Bamwe mu batabarutse kuri iyi tariki

1862: William Wallace Lincoln, umuhungu w’uwahoze ari Perezida wa Leta Zunze Ubumwe za Amerika, Abraham Lincoln.

2008: Emily Perry, umukinnyi wa sinema w’Umwongereza.

2009: Larry H. Miller, umuherwe w’Umunyamerika wari nyir’ikipe ya Basketball ya Utah Jazz.

2010: Alexander Haig, umusirikare w’Umunyamerika wanagize uruhare muri politiki ya Leta Zunze Ubumwe z’Amerika.

Ibindi

Umunsi mwiza kuri Aimée, Aimeline, Aimelyne, Amée na Amy.