00:00:00 IGIHE NETWORK KN KINYARWANDA EN ENGLISH FR FRANCAIS

Tariki 9 Ugushyingo

Yanditswe na

SHIKAMA Dioscore

Kuya 9 Ugushyingo 2022 saa 06:00
Yasuwe :

Tariki 9 Ugushyingo ni umunsi wa 314 mu igize umwaka, hasigaye 52 ngo ugere ku musozo.

Bimwe mu byaranze uyu munsi

1697: Papa Innocent XII yashinze Umujyi wa Cervia.

1729: Ibihugu by’u Bufaransa, Espagne n’u Bwongereza byashyize umukono ku masezerano yiswe Treaty of Serville, aya masezerano yari agamije ihagarikwa ry’intambara hagati y’ibi bihugu yatangiye mu 1727.

1857: Muri Leta Zunze Ubumwe za Amerika hashinzwe Ikinyamakuru cyitwa Antlantic, cyashingiwe i Boston, ni kimwe mu binyamakuru bizwi cyane muri iki gihugu.

1861: Bwa mbere muri Canada hakinwe umukino w’umupira w’amaguru wakorewe icyegeranyo, uyu mukino wabereye muri Kaminuza ya Toronto.

1906: Theodore Roosevelt wari Perezida ni we wabaye Umukuru w’Igihugu wa Leta Zunze Ubumwe za Amerika wakoreye uruzinduko rw’akazi hanze y’igihugu cye, iki gihe yari agiye kureba impinduka ku bibazo by’umuyoboro wa Panama (canal de Panama).

Theodore Roosevelt

1935: Muri Leta Zunze Ubumwe za Amerika hashinzwe Umuryango w’Ihuriro ry’Abacuruzi b’Inganda mu cyo bise Congress of Industrial Organizations mu Mujyi wa Atlantic, uri New Jersey ryafunguwe n’abagera ku munani.

1937: Ingabo z’u Buyapani zatangiye kugenzura Leta ya Shanghai mu Bushinwa.

1953: Cambodia yigobotoye ubukoloni bw’Abafaransa itangira kwigenga.

1965: Uwitwa Roger Allen Laporte, wari umukozi n’umuyoboke wa Kiliziya Gatolika yakoze imyiyerekano yo kwamagana intambara ya Vietnam, kugeza ubwo yitwikira imbere y’inzu y’Umuryango w’Abibumbye.

1985: Uwitwa Garry Kasparov, ubwo yari afite imyaka 22 y’amavuko yabaye umuntu wa mbere w’umwana wabaye umukinnyi wa mbere w’umuhanga watsinze umukino wa Chess atsinze uwitwa Anatoly Karpov nawe wari Umurusiya.

1994: Havumbuwe ikinyabutabire cyizwi ku izina rya Darmstadtium.

2005: Hoteli eshatu za Amman muri Jordan zibasiwe n’ibitero bya bombe byakozwe n’abiyahuzi bihitana abantu bagera kuri 60.

Bamwe mu bavutse uyu munsi

1974: Joe C, umuhanzi wo muri Leta Zunze Ubumwe za Amerika.

1985: Bakarv Soumare, yakanyujijeho nk’umukinnyi w’umupira w’amaguru ukomoka muri Mali.

Bamwe mu batabarutse uyu munsi

1997: Helenio Herrera, umukinnyi w’umupira w’amaguru wo mu Bufaransa wabaye kandi umutoza.

2005: K. R. Narayanan, umunyapolitiki wabaye na Perezida w’u Buhinde.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .