Tariki 27 Nzeri

Yanditswe na

SHIKAMA Dioscore

Kuya 27 Nzeri 2018 saa 07:00
Yasuwe :
0 0

Tariki 27 Nzeri ni umunsi wa 271 mu minsi igize umwaka, hasigaye iminsi 96 uyu mwaka ukagera ku musozo.

Uyu munsi Kiliziya Gaturika irizihiza Mutagatifu Vincent de Paul na Florentin

Bimwe mu byaranze uyu munsi mu mateka

1590: Papa Urban VII ubusanzwe witwaga Giovanni Battista Castagna yatabarutse nyuma y’iminsi 13 nyuma yo kwimikwa nk’Umushumba mukuru wa kiliziya Gaturika, niwe wayoboye Kiliziya Gaturika mu gihe gito cyane

1905: Ikinyamakuru Annalen der Physik cyandika ku bijyanye n’Ubugege cyashyize ahagaragara inyandiko yanditswe n’umuhanga uzwi cyane mu bijyanye n’Ubugenge ndetse n’Ubutabire Albert Einstein, iyi nyandiko yagiraga iti” Does the Inertia of a Body Depend Upon Its Energy Content?”igaragaza formule ya E=mc²,Mass–energy equivalence ikoreshwa cyane mu Bugege n’Ubutabire

1916: Iyasu yabaye Umwami w’Abami wa Ethiopia gusa akurwa ku ngoma vuba biturutse kuri Nyirasenge Zauditu

1928: Repubulika y’u Bushinwa yemewe n’Umuryango w’Abibumbye

1959:Abantu barenga ibihumbi 5 bapfiriye ku kirwa cya Honshū mu gihugu cy’u Buyapani bazize umuyaga wo mu Nyanja wiswe typhoon.

1961: Igihugu cya Sierra Leone kinjiye mu muryango w’Abibumbye

1962: Yemen Arab yabaye Repubulika

1964: Komisiyo yiswe Warren yashyize ku mugaragaro icyegereranyo cyayo, iki cyegeranyo cyemeje ko Lee Harvey Oswald ariwe wishe Perezida John F. Kennedy.

1996: Nyuma yo kwirukana Perezida Burhanuddin Rabbani wa Afghanistan, intagondwa zo mu mutwe w’Abatalibani zafashe Umujyi wa Kabul ndetse zivugana uwahoze ari umukuru w’iki gihugu Mohammad Najibullah

2002: Igihugu cya East Timor cyashyizwe mu banyamuryango b’Umuryango w’Abibumbye

2008: Zhai Zhigang yabaye Umushinwa wa mbere washoboye kugenda mu kirere atwawe n’Icyogajuru Shenzhou 7.

Bamwe mu bavutse uyu munsi

1948: Duncan Fletcher, wo muri Zimbabwe wabaye umukinnyi ndetse n’umutoza wa Cricket

1966: Uche Okechukwu, umukinnyi w’umupira w’amaguru ukomoka mu gihugu cya Nigeriya

Bamwe mu batabarutse uyu munsi

2009: Charles Houston, Umunyamerika wakoraga ibijyanye n’ubukerarugendo bwo kurira imisozi

2010: George Blanda, Umukinnyi w’umupira w’amaguru ukomoka muri Leta Zunze Ubumwe z’Amerika.

Zhai Zhigang,Umushinwa wa mbere washoboye kugenda mu kirere atwawe n’Icyogajuru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza