Tariki 3 Kanama

00:00:00 IGIHE NETWORK

KINYARWANDA

ENGLISH

FRANCAIS

Tariki 3 Kanama

Yanditswe na

SHIKAMA Dioscore

Kuya 3 August 2022 saa 07:03

Yasuwe :

Yavuzweho:

Tariki 3 Kanama ni umunsi wa magana abiri na cumi na gatandatu mu minsi igize umwaka, hasigaye iminsi ijana na mirongo ine n’icyenda uyu mwaka ukagera ku musozo.
Bimwe mu byaranze uyu munsi mu mateka
1492: Abayahudi bari batuye muri Espagne birukanwe n’ubwami Gatolika bwaho.
1852: Hatangiye amarushanwa yo gusiganwa mu bwato, kuva hagati ya Yale na Havard muri Leta Zunze Ubumwe za Amerika.
1934: Adolf Hitler yabaye umuyobozi w’ikirenga w’u Budage, ibi yabigezeho nyuma yo kuba Perezida na (...)

Tariki 3 Kanama ni umunsi wa magana abiri na cumi na gatandatu mu minsi igize umwaka, hasigaye iminsi ijana na mirongo ine n’icyenda uyu mwaka ukagera ku musozo.

Bimwe mu byaranze uyu munsi mu mateka

1492: Abayahudi bari batuye muri Espagne birukanwe n’ubwami Gatolika bwaho.

1852: Hatangiye amarushanwa yo gusiganwa mu bwato, kuva hagati ya Yale na Havard muri Leta Zunze Ubumwe za Amerika.

1934: Adolf Hitler yabaye umuyobozi w’ikirenga w’u Budage, ibi yabigezeho nyuma yo kuba Perezida na Chancelier w’iki gihugu icyarimwe.

1936: Jesse Owens, ikirangirire mu mikino yo gusiganwa ku maguru, by’umwihariko mu cyiciro cy’abasiganwa mu ntera ireshya n’ibilometero ijana. Yigaragaje cyane mu mikino ngororangingo yabereye mu Budage, mu Mujyi wa Berlin yabaye muri uwo mwaka.

1949: Hashinzwe ishyirahamwe ry’umukino wa basketball muri Leta Zunze Ubumwe za Amerika ryitwa National Basketball Association.

1959: Niger yabonye ubwigenge bwayo, yibohora ingoyi y’ubukoloni bw’Abafaransa.

1975: Indege ya Boeing 707 yakoreye impanuka mu misozi iri hafi ya Agadir muri Maroc, ihitana abantu ijana na mirongo inani n’umunani.

1977: Sena ya Leta Zunze Ubumwe za Amerika, yatangiye kumva ibijyanye n’umushinga uzwi ku izina rya MK-ULTRA, watangijwe n’ikigo cy’iperereza cy’iki gihugu CIA, igamije kugenzura imitwe (hashingiwe ku myitwarire) ya benshi mu bakoraga igisirikare. Nyamara uyu mushinga wakozwe mu buryo budakurikije amategeko.

1997: Muri Algeria, ahitwa Oued El-Had na Mezouara habereye igitero cy’ubwicanyi abagera ku ijana na cumi na batandatu barapfa, abagera kuri mirongo ine baguye mu gace ka Oued El-Had abandi mirongo irindwi na batandatu bapfira Mezouara.

2004: Hongeye kugaragazwa ishusho izwi nka Statue of Liberty muri Leta Zunze Ubumwe za Amerika nyuma y’igitero cyibasiye iki gihugu tariki 11 Nzeri.