00:00:00 IGIHE NETWORK KN KINYARWANDA EN ENGLISH FR FRANCAIS

Tariki 17 Kamena

Yanditswe na

SHIKAMA Dioscore

Kuya 17 June 2022 saa 07:00
Yasuwe :

Tariki 17 Kamena ni umunsi wa 168 mu minsi igize umwaka, hasigaye iminsi 197 uyu mwaka ukagera ku musozo.
Bimwe mu byaranze uyu munsi mu mateka
1673: Abashakashatsi Jacques Marquette na Louis Jolliet bakomoka mu Bufaransa bageze ku mugezi wa Mississippi, ni nabo bantu ba mbere baturutse ku mugabane w’u Burayi bashoboye gutanga ibisobanuro birambuye bijyanye n’umugezi wa Mississippi.
1773: Colombia izwi no ku izina rya Cúcuta yashinzwe na Juana Rangel de Cuéllar.
1885: Hashinzwe (...)

Tariki 17 Kamena ni umunsi wa 168 mu minsi igize umwaka, hasigaye iminsi 197 uyu mwaka ukagera ku musozo.

Bimwe mu byaranze uyu munsi mu mateka

1673: Abashakashatsi Jacques Marquette na Louis Jolliet bakomoka mu Bufaransa bageze ku mugezi wa Mississippi, ni nabo bantu ba mbere baturutse ku mugabane w’u Burayi bashoboye gutanga ibisobanuro birambuye bijyanye n’umugezi wa Mississippi.

1773: Colombia izwi no ku izina rya Cúcuta yashinzwe na Juana Rangel de Cuéllar.

1885: Hashinzwe ikirangamateka cy’ubwigenge(Statue of Liberty) cyashyizwe mu Mujyi wa New York, muri Leta Zunze Ubumwe za Amerika.

1898: Hafunguwe ibitaro by’ingabo zirwanira mu mazi za Leta Zunze Ubumwe za Amerika.

1933: Mu mujyi wa Kansas, muri Leta Zunze Ubumwe za Amerika hakozwe ubwicanyi hagati y’abakozi b’ibiro by’iperereza FBI n’ibisambo byari bije kubohoza mugenzi wabyo Frank Nash, ubu bwicanyi bwaguyemo abakozi bane ba FBI.

Frank Nash, mu mateka ya Leta Zunze Ubumwe za Amerika afatwa nk’igisambo cya mbere gikomeye mu bisambyo byasahuraga amabanki.

1944: Iceland yatangaje ubwigenge bwayo, yigobotora Denmark ihinduka Repubulika ityo.

1960: Ubwoko bwa kavukire muri Amerika buzwi nka Nez Perce bwahawe miliyoni enye z’amadorali y’Amerika bashyirwa ubutaka bwabo bwatesheshwe agaciro, hashingiwe ku masezerano yashyizweho umukono mu mwaka w’1893.

1971: Perezida Richard Nixon wa Leta Zunze Ubumwe za Amerika yatangaje ko igihugu cye gitangiye intambara yo kurwanya ibiyobyabwenge.

1994: Orenthal James "O. J." Simpson wari umutoza w’umupira w’amaguru yarahagaritswe arafungwa, nyuma yo kwica umugore we Nicole Brown Simpson n’inshuti ye Ronald Goldman.

Bamwe mu bavutse uyu munsi

1742: William Hooper, umwe mu bashyize umukono ku masezerano yahesheje ubwigenge bwa Leta Zunze Ubumwe za Amerika.

1858: Ebenezer Sumner Draper, wabaye guverineri wa 44 wayoboye Leta ya Massachusetts.

1947: George S. Clinton, umunyamuziki wo muri Amerika

Bamwe mu batabarutse uyu munsi

1734: Claude-Louis-Hector de Villars, marshal mu ngabo z’u Bufaransa.

2001: Donald J. Cram, umuhanga mu butabire wanabiherewe igihembo kitiriwe Nobel.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .