00:00:00 IGIHE NETWORK KN KINYARWANDA EN ENGLISH FR FRANCAIS

Tariki 7 Kamena

Yanditswe na

SHIKAMA Dioscore

Kuya 7 June 2022 saa 07:30
Yasuwe :

Tariki 7 Kamena ni umunsi wa 158 mu minsi igize umwaka, hasigaye iminsi 207 uyu mwaka ukagera ku musozo.
Bimwe mu byaranze uyu munsi mu mateka
1692: Mu gihugu cya Jamaica, umujyi wa Port Royal uherereye mu Majyepfo, wibasiwe n’umutingito ukaze aho mu gihe kigera ku minota itatu gusa abantu 1600 bari bamaze kwitaba Imana, abandi ibihumbi bitatu barakomereka bikabije.
1810:Bwa mbere mu gihugu cya Argentina, hatangiye gusohoka ikinyamakuru, iki kitwaga Gazeta de Buenos Ayres.
Gazeta de (...)

Tariki 7 Kamena ni umunsi wa 158 mu minsi igize umwaka, hasigaye iminsi 207 uyu mwaka ukagera ku musozo.

Bimwe mu byaranze uyu munsi mu mateka

1692: Mu gihugu cya Jamaica, umujyi wa Port Royal uherereye mu Majyepfo, wibasiwe n’umutingito ukaze aho mu gihe kigera ku minota itatu gusa abantu 1600 bari bamaze kwitaba Imana, abandi ibihumbi bitatu barakomereka bikabije.

1810:Bwa mbere mu gihugu cya Argentina, hatangiye gusohoka ikinyamakuru, iki kitwaga Gazeta de Buenos Ayres.

Gazeta de Buenos Ayres yashyizweho hagamijwe kumenyekanisha ibikorwa bya Guverinoma yari yahawe izina rya Primera Junta, Ku ikubitiro iki kinyamakuru cyandikwaga na Mariano Moreno, afashijwe n’abapadiri Manuel Alberti; Manuel Belgrano na Juan José Castelli bari n’abayobozi bacyo.

1832: Icyorezo cya Kolera cyageze mu mujyi wa Quebec kijyanywe n’abimukira bari baturutse muri Irland.

Iki cyorezo cyahitanye abantu bagera ku bihumbi bitandatu, intara ya Lower Canada ikaba ariyo yibasiwe bikomeye.

1862: Leta Zunze Ubumwe za Amerika n’u Bwongereza byashyize umukono ku masezerano yo kongera gukora ubucuruzi bw’abacakara.

1892: Benjamin Harrison yabaye Perezida wa mbere wa Leta Zunze Ubumwe za Amerika washoboye kwitabira umukino wa Baseball.

1945: Umwami Haakon VII wa Norway we n’umuryango we basubiye mu gihugu nyuma y’imyaka itanu bari mu buhungiro.

1948: Edvard Beneš yabaye Perezida wa Czechoslovakia, ahita ashyira umukono ku itegeko nshinga ryatumye iki gihugu gitangira kugendera ku mahame ya gikomunisiti.

1967: Mu ntambara yiswe iy’iminsi itandatu, ingabo za Israel zageze mu mujyi wa Yeruzalemu.

1981: Igisirikare cya Israel kirwanira mu kirere cyashenye bikomeye inganda za nucleaire za Iraq, mu Majyepfo y’umujyi wa Baghdad mu gikorwa cya gisirikare cyiswe Operation Babylon.

Bamwe mu bavutse uyu munsi

1929: John Napier Turner, wabaye Minisitiri w’Intebe wa 17 wa Canada.

1942: Muammar al-Gaddafi, wategetse Libya.

1965: Billy Reeves, umwanditsi w’indirimbo akaba n’umunyamakuru wa radiyo BBC.

Bamwe mu batabarutse uyu munsi

1992: Bill France washinze ndetse akaba umuyobozi mukuru wa mbere wayoboye ikigo NASCAR (National Association for Stock Car Auto Racing)

2002: Basappa Danappa Jatti, wigeze kuba visi-Perezida w’u Buhinde

2006: Ingenieur Abu Musab al-Zarqawi, ukomoka muri Jordanie, wari ukuriye umutwe wa Al Qaeda muri Irak.
Ibitabo

1973: Breakfast of Champions cya Kurt Vonnegut

1997: The Ranch cya Danielle Steel

2005: Coach cya Michael Lewis

1977: A Book Of Common Prayer cya Joan Didion


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .