00:00:00 IGIHE NETWORK KN KINYARWANDA EN ENGLISH FR FRANCAIS

Tariki 8 Kamena

Yanditswe na

NTWALI John Williams

Kuya 8 June 2022 saa 07:41
Yasuwe :

Tariki ya 8 Kamena buri mwaka ni umunsi mpuzamahanga wo kubungabunga inyanja.
Bimwe mu byaranze uyu munsi mu mateka
0632: Hatabarutse intumwa y’Imana Mahomet /Mohammad / Muhammad /Mohammed , Imana imuhe amahoro n’umugisha. Ni we wahanze idini ya Islam. Azwi nk’umuhanuzi wa nyuma wabayeho ku bemera Imana imwe itabyara itarabyawe. Ari ku rutonde rw’abahanuzi b’ingenzi cyane nka Ibrahim/Abraham, Musa/Moses na Issa/Yezu. Yavukiye i Maka muri 0570, atabarukira i Madina ku wa 8 Kamena 0632. (...)

Tariki ya 8 Kamena buri mwaka ni umunsi mpuzamahanga wo kubungabunga inyanja.

Bimwe mu byaranze uyu munsi mu mateka

0632: Hatabarutse intumwa y’Imana Mahomet /Mohammad / Muhammad /Mohammed , Imana imuhe amahoro n’umugisha. Ni we wahanze idini ya Islam. Azwi nk’umuhanuzi wa nyuma wabayeho ku bemera Imana imwe itabyara itarabyawe. Ari ku rutonde rw’abahanuzi b’ingenzi cyane nka Ibrahim/Abraham, Musa/Moses na Issa/Yezu. Yavukiye i Maka muri 0570, atabarukira i Madina ku wa 8 Kamena 0632. Ntashushanywa, ntavugwaho ibibonetse byose n’isura ye ntigenekerezwa.

1625: Havutse Giovanni Domenico Cassini, astronome. Mu bushakashatsi bwe mu by’ubumeyi bw’ikirere yavumbuye icyiswe « Lumière Zodiaquale » n’imibumbe mito ine igaragiye Saturne.

1671: Havutse Tomaso Albinoni, umuhanga mu rusobe rw’amajwi ahanitse ya muzika. Ibyo yahanze biracyiyambazwa na n’ubu mu bihangano bishya bya muzika ya none. Yahanze Operas 50 na « Adagio muri Sol Mineur » igifatwa nk’icyitegererezo mu mashuri akomeye ya Muzika.

1845: Hatabarutse Andrew Jackson, wabaye Perezida wa 7 wa Leta Zunze Ubumwe za Amerika. Yari umusirikare ku rwego rwa Jenerali. Azwiho ivangura no kwanga urunuka ba kavukire n’abasangwabutaka b’abahinde. Akimikwa, yatangaje ko bimwe mu byo azashyira imbere ari ukurandura ba kavukire b’abahinde bose babaga mu burengerazuba bwa USA, hagatuzwa abanyamerika batavangiye. Nta bapfira gushira, yatabarutse intego ye atayigezeho.

1998: Hatabarutse General SANI Abacha, wayoboraga NIGERIA kuva mu 1993, ubwo yahirikaga ubutegetsi akoresheje ingufu za gisirikare. Yappfuye amarabira, Général Abdulsalam Abubakar ahita atangaza ko abaye umukuru w’igihugu.Urupfu rwa Gen. Sani Abacha ruracyahishe amabango y’amabanga atarigeze ashyirwa ahagaragara n’abamukurikiye bose.

1784: Inkongi y’umuriro yahitanye abantu 1002 i Capo d’Istria mu Butaliyani;

1908: Ikipe y’umupira w’amaguru y’u Bwongereza yatsinze iya Autriche ibitego 11- 1

1928: Mu Bushinwa, ingabo zitwaga « Intaganzwa » zari ziyobowe na Tchang Kai-chek, zigaruriye umugi wa Pekin, muri gahunda yo guhuza u Bushinwa ngo bube igihugu kimwe gifite ubuyobozi bumwe. Aho i Pekin zamenesheje ingabo za General Tchang Tso-lin, wari umwe mu bitwaga abami b’intambara "Seigneurs de la guerre" wari warigaruriye intara zimwe na zimwe z’u Bushinwa.

1975: Niwo Abasoviyeti bohereje icyogajuru Venera 9 kuri Vénus.
1986: Kurt Waldheim yatorewe kuyobora Autriche.

1989: Indege y’intambara Mig-29 y’Aba-Soviet yasandariye mu kirere cy’u Bufaransa irimo umuntu umwe wenyine wari uyitwaye. Yabashije kurokoka amanukiye mu mutaka

1998: Général Abdulsalami Abubakar prend la tête de la dictature militaire du Nigeria.

2003 : Nibwo abashinwa batangiye kubaka iteme (pont/bridge) rirerire ku isi, rireshya na kilometero 36.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .