Turi ku wa 05 Kanama 2025. Ni umunsi wa 217 mu minsi igize umwaka. Hasigaye iminsi 148 ngo uyu mwaka ugere ku musozo.

Ibi ni bimwe mu byaranze uyu munsi mu mateka

2014: Perezida Kagame na Ange Kagame bakiriwe muri White House na Barack Obama wayoboraga Leta Zunze Ubumwe za Amerika.

2021: Perezida wa Centrafrique, Faustin-Archange Touadéra yagiriye uruzinduko rw’iminsi ine mu Rwanda.

1949: Umutingito wasenye imijyi igera kuri 50 muri Equateur, abantu barenga ibihumbi bitandatu bahasiga ubuzima.

1960: Burkina Faso yitwaga Upper Volta, yabonye ubwigenge yigobotora ubukoloni bw’u Bufaransa.

1962: Nelson Mandela yarafunzwe, aho yafunguwe mu 1990 amaze imyaka irenga 27 muri gereza.

2024: Minisitiri w’Intebe wa Bangladesh, Sheikh Hasina yeguye ku butegetsi ahita anahunga igihugu nyuma y’imyaka irenga 15 yari amaze akiyobora.

Mu muziki

2023: Nyuma y’imyaka 65 bibayeho, indirimbo eshatu zo mu njyana ya Country zayoboye izari zikunzwe kuri Billboard Hot 100.

Izi ndirimbo ni "Try That in a Small Town" ya Jason Aldean, "Last Night" ya Morgan Wallen na "Fast Car" ya Luke Combs.

Abavutse

1827: Deodoro da Fonseca wabaye perezida wa mbere wa Brésil.

1985: Havutse Salomon Kalou, umukinnyi w’umupira w’amaguru wamenyekanye mu Ikipe y’Igihugu ya Côte d’Ivoire.

2004: Pablo Martín Páez Gavira ukinira ikipe ya Barcelone muri Espagne.

Abapfuye

1991: Soichiro Honda, Umuyapani watangije uruganda rwa Honda, uruganda rwamenyekanye cyane mu gukora amapikipiki.

2001: Otema Allimadi wabaye Minisitiri w’Intebe wa kabiri wa Uganda.