00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 4 Gicurasi

Yanditswe na
Kuya 4 May 2022 saa 07:00
Yasuwe :

Itariki ya 4 Gicurasi ni umunsi wa 124 w’umwaka usanzwe. Ubu harabura iminsi 241 ngo umwaka usozwe.
Bimwe mu byaranze uyu munsi
1494: Christophe Colomb yavumbuye ikirwa cya Jamaica ariko yasanze cyari gituwe kuva kera.
1846: Leta ya Michigan muri USA, yabaye iya mbere mu gutangaza ko ikuyeho igihano cy’urupfu.
1886: I Haymarket muri Chicago muri Amerika, icyari cyatangiye nk’imyigaragambyo ituje y’abakozi baharaniraga uburenganzira bw’imikorere yabo barashweho n’igipolisi hapfamo abantu (...)

Itariki ya 4 Gicurasi ni umunsi wa 124 w’umwaka usanzwe. Ubu harabura iminsi 241 ngo umwaka usozwe.

Bimwe mu byaranze uyu munsi

1494: Christophe Colomb yavumbuye ikirwa cya Jamaica ariko yasanze cyari gituwe kuva kera.

1846: Leta ya Michigan muri USA, yabaye iya mbere mu gutangaza ko ikuyeho igihano cy’urupfu.

1886: I Haymarket muri Chicago muri Amerika, icyari cyatangiye nk’imyigaragambyo ituje y’abakozi baharaniraga uburenganzira bw’imikorere yabo barashweho n’igipolisi hapfamo abantu bane. Iki kikaba ari cyo cyabaye inkomoko y’umunsi mpuzamahanga w’abakozi bamwe bita uw’umurimo wizihizwa tariki ya 1 Gicurasi buri mwaka.

1949: Ingege yari itwaye ikipe Torino yo mu Butaliyani yasandariye mu kirere, 32 bari bayirimo bose bahasiga ubuzima.

1952: Hatangiye ukwigomeka gukomeye kw’impirimbanyi z’aba Mau Mau muri Kenya, batuza ari uko Kenya ibonye ubwigenge.

1994: Uwari minisitiri w’intebe wa Isiraheli Yitzhak Rabin yasinyanye amasezerano naYasser Arafat i Cairo mu Misiri ku ntambwe ya mbere yo kwigenga kwa Palestine.

2002: Indege y’ikompanyi EAS Airline yashwanyukiye mu mugi rwagati wa Kano mu majyaruguru ya Nigeria, ihitana abantu 148.

2003: Icyogajuru “Soyouz “ cyagarutse ku Isi kitabashije gukomeza urugendo, mu guhanantuka kwacyo cyaguye mu birometero 400 by’aho cyari cyahagurukiye. Ku bw’amahirwe, abari bagitwaye (umurusiya umwe n’Abanyamerika babiri) bararokotse.

2012: Umukinnyi w’umupira w’amaguru w’umunyanigeria Rashidi Yekini, yitabye Imana.

Tariki ya 4 Gicurasi buri mwaka mu Buholandi ni umunsi wo kwibukaho abapfuye muri rusange.

Ibyamamare byavutse kuri uyu munsi

1815: Delina Ecker Filkins waramye imyaka 113 n’iminsi 214

1928: General Mohammed Hosni Said Moubarak, (Muhammad Hosni Mubarak), Perezida wa Misiri. Yabaye umupilote w’indege za gisirikare, yayoboye ingabo zo mu kirere, yayoboye imirimo inyuranye ya gisirikare mu gihugu cye Egiputa, yakibereye na Visi –Perezida. Ubu akurikiranweho ibyaha byo gukoresha nabi umutungo w’igihugu nyuma yo kwegura ku butegetsi tariki ya 11 Gashyantare 2011.

2009: Igikomangoma Henrik wa Denmark nibwo yavutse.

Ibyamarare byatabarutse kuri uyu munsi

1980: Marechal Tito Josip Broz, Perezida wa Yougoslavie (1953 – 1980)

1997: Sue Utagawa, umuyapanikazi wari ufite imyaka 113.

Yitzhak Rabin na Yasser Arafat

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .